Зинедин Зидан “Реал”га қайтиши мумкин.
AS нашрининг хабарига кўра, Флорентино Перес собиқ футболчи ва мураббий клубнинг ташкилий тизимида иш юритишини хоҳламоқда.
Мадридликлар президенти Зидан жамоага фойда келтиради деб ҳисобламоқда.
Француз клубга таъсир доирасини сақлаб қолган. Айнан у Эдуардо Камавинга, Орелен Тчуамени ва Жуд Беллингҳем трансферларига муҳим рол ўйнаган.
Зидан икки бор мураббийлик постини юқори нотада тарк этганига қарамасдан, унинг Флорентино Перес билан алоқалари жуда яхши.
Эслатиб ўтамиз, франциялик мураббий 2016 йилдан 2018 йилга қадар ва 2019 дан 2021 йилга қадар “қаймоқранглилар” бош мураббийи сифатида фаолият олиб борган. Унинг қўл остида жамоа уч марта Чемпионлар Лигасида, икки марта Испания чемпионатида зафар қучган.
Изоҳ (0)