Испаниянинг “Барселона” жамоаси клубнинг бир қисмини Қатар ёки Саудия инвесторларига сотиши мумкин.
El Chiringuito журналисти Хосе Альвареснинг маълум қилишича, “кўк-анорранглилар” бошқарув-ҳуқуқий шаклни ўзгартириш имкониятларини кўриб чиқмоқда.
Ҳозирда “Барселона” расман нотижорий ташкилот бўлиб, тўлиқ сосьосларга — клуб аъзоларига тегишли.
Каталонияликлар молиявий муаммоларни ҳал қилиш учун клубнинг 49 фоизини инвестицион фондга сотмоқчи.
Бунинг учун президенти Хоан Лапорта сўнгги ҳафтада Саудия Арабистонида бўлган эди, ҳозир эса Қатарда бўлиб турибди.
“Жамоа бошқарув моделини ўзгартириш вариантини кўриб чиқмоқда. Шу билан бирга сўнгги сўзни айтиш барибир сосьосларда қолади. Вазият жиддийлашгани учун ҳам каталонияликлар бу вариантни ишга солмоқчи”, — дейди Альварес.
Эслатиб ўтамиз, “Барселона” молиявий муаммоларга дуч келгани учун сўнгги йилларда бир нечта молиявий дастакларни ишга солганди. Айнан мана шу муаммолар сабабли, 2021 йилда Лионель Месси жамоани тарк этишга мажбур бўлган.
Қайд этиб ўтиш жоиз, “Барселона” 2022/23 йилги мавсум Ла Лига чемпионлигини қўлга киритди.
Изоҳ (0)