Илон Маскка қарашли SpaceX компанияси АҚШнинг Калифорния штатидан бўлган 14 ёшли ўсмирни дастурий таъминот бўйича муҳандис сифатида ишга олди. Бу ҳақда Los Angeles Times нашри хабар бермоқда.
14 ёшли Кайран Куази Санта Клара университетининг муҳандислик мактабини тамомлаб, сунъий йўлдош алоқаси ва космик кемалар билан шуғулланувчи SpaceX компаниясига ишга киради. Компанияда у дастурий таъминот муҳандиси лавозимини эгаллайди.
Куази ўзининг эрта ривожланган интеллектуал қобилиятлари билан машҳур. У икки ёшида тўлиқ жумлалар билан гапиришни бошлаган, тўққиз ёшида эса учинчи синфдан коллежга ўтган ва у ерда ўзига мос даражада ўқишни бошлаган.
Келажакда Куази SpaceXъда Starlink сунъий йўлдош интернетини ишлаб чиқувчи жамоа билан ҳамкорлик қилиш ниятида. ўқишдан ташқари, Куази видеоўйинларни ўйнашни ва илмий фантастик китобларни ўқишни яхши кўради.
Изоҳ (0)