НАТО бош котиби Йенс Столтенбергнинг айтишича, Украинанинг альянсга кириши масаласи “амалда ҳал қилинган” ва Россияда альянсни кенгайтиришга вето ҳуқуқи йўқ. Столтенберг АҚШдаги нутқи давомида шундай баёнот берди.

Унинг таъкидлашича, НАТО иттифоқчилари Украинанинг альянсга киришига рози эканликларини бир неча бор эълон қилишган. Охирги марта улар 2022 йил ёзида Мадриддаги саммитда шундай позицияни билдиришган эди. НАТО аъзолари Киевнинг альянсга расмий таклиф қилиш вақтини фақат ўзлари ва Украина белгилашини қарор қилишган.

“Бунинг Москва ва Владимир Путинга алоқаси йўқ. У НАТОнинг кенгайишига вето қўйиш ҳуқуқига эга эмас”, — деди Столтенберг.

2023 йил апрель ойида Киевга ташрифи чоғида Столтенберг “Украинанинг муносиб ўрни Евро-Атлантика оиласида ва НАТОда”, деб таъкидлаган эди. Кейин май ойида интервьюда у НАТОга аъзо давлатларнинг қарорларини олдиндан била олмаслигини таъкидлади.

“Лекин бир нарса аниқ: уларнинг барчаси Украина иттифоққа аъзо бўлиши кераклигига рози”, — дея маълум қилди Столтенберг.

Аммо кейинроқ у жанговар ҳаракатлар тугамагунча Украинанинг альянсга кириши кун тартибида бўлмаслигини ҳам айтиб ўтган.