Россия ва Хитой 2023 йилда қўшма ҳарбий машғулотлар ўтказади. Бу ҳақда 9 июнь куни икки давлат армияси генералларининг виртуал учрашувига таяниб, CNN хабар берди.
Маълум қилинишича, Хитой Марказий ҳарбий кенгаши қўшма штаби бошлиғи Россия Қуролли кучлари Бош штаби бошлиғи Валерий Герасимов билан видеоконференция ўтказди. Суҳбат икки давлат мудофааси соҳасида ”фикр алмашиш”, шунингдек, икки армия ўртасидаги “ҳамкорликни” чуқурлаштириш мақсадида ташкил этилгани айтилмоқда.
Россия ва Хитой 6 июнь куни Япон денгизи устида ҳаво кучларининг ҳарбий машғулотларини ўтказганди. Журналистлар Хитой Ғарб билан қарама-қаршилик фонида Россияни асосий ҳамкор деб билади. У Украинага ҳужумни қоралаш ёки рус қўшинларини олиб чиқишга чақиришдан бош тортган.
Маълумот ўрнида, Россия ва Хитой ўртасидаги ўзаро товар айирбошлаш ҳажми 2023 йилнинг январь май ойларида 93,8 миллиард доллардан ошган, бу ўтган йилнинг шу даврига нисбатан 40,7 фоизга юқори.
Россия Украинага бостириб кирганидан бери Ғарбнинг санкцияларига дучор бўлди ва жаҳон иқтисодиётининг кўп қисмидан четда қолди.
Аммо шимолий қўшниси билан дўстлигида “чегара йўқ” деб эълон қилган Хитой, унинг глобал молия тизимидан ҳайдалиши таъсирини юмшатиб, Кремлни иқтисодий ҳаёт йўлига қайтарди.
Изоҳ (0)