Қорақалпоғистоннинг Шуманай туманидаги корхонада ёнғин содир бўлди. Бу ҳақда республика Фавқулодда вазиятлар бошқармаси маълум қилди.
Айтилишича, ёнғин 6 июнь куни соат 20:50 лар атрофида тумандаги “Шуманай Экотекс” МЧЖ ҳудудида юз берган.
Ёнғинни ўчириш учун Шуманай, Қонликўл, Хўжайли, Тахиатош, Қўнғирот туманлари ва Нукус шаҳри Фавқулодда вазиятлар бўлимидан жами 10 та ёнғин-қутқарув экипажи ҳамда Қорақалпоғистон Ободонлаштириш бошқармасининг туманлардаги бўлинмаларидан 9 та сув ташиш автомобили қатнашган.
Юзага келган ёнғин оқибатида тўпланиб турган “тойпахталар” зарар кўрган.
Бошқарма масъулларининг айтишича, ёнғинга техника хавфсизлигига эътиборсизлик сабаб бўлган бўлиши мумкин.
Ҳозирда моддий зарар аниқланмоқда. Ёнғин оқибатида тан жароҳати олган ёки ҳалок бўлганлар йўқлиги қўшимча қилинди.
Изоҳ (0)