Ҳеч ким соғлиқ муаммоларидан ҳимояланмаган ва машҳурликнинг ҳам бунга ҳеч қандай алоқаси йўқ. Қуйидаги машҳурларга саратон ташхиси қўйилган ва деярли барчаси касаллик билан муваффақиятли курашган, деб ёзади The Voice Маg нашри.
Жефф Бридгес
2020 йил октябрь ойида актёр лимфома билан касалланганлигини эълон қилди: “Менга кучли шифокорлар жамоаси ёрдам беради ва яхши тахминлар бор, шу боис сизларни саломатлигим ҳақида хабардор қилиб тураман”, — деб таъкидлаган эди актёр.
Шеннон Доэрти
2015 йилда актрисага кўкрак бези саратони ташхиси қўйилган. Икки йил ўтгач, у ремиссия ҳақида гапирди, аммо 2020 йил бошида касаллик яна қайтди. Шеннонга саратоннинг 4-босқич ташхиси қўйилган ва у даволанишни давом эттирмоқда.
Кайли Миноуг
2005 йилда қўшиқчига кўкрак бези саратони ташхиси қўйилган. У кимётерапия ва жарроҳлик амалиётидан ўтди ва касаллик ремиссия даврига кирди.
Роберт де Ниро
2003 йилда актёрга простата саратонига чалингани маълум бўлган. Касаллик эрта босқичда ташхисланган, шунинг учун у буткул даволана олди ва энди бу ҳақда эслашни истамайди.
Майкл Дуглас
2010 йилда Майкл Дуглас тил саратонига чалинганини билди. Актёр бу касалликни енгиб ўтди.
Бен Стиллер
2014 йилда бу актёрга ҳам простата саратони ташхиси қўйилган эди. Ўсимта олиб ташланган, касаллик ремиссияда. Бен эса бошқа ҳеч нарса унинг фильмларда рол ўйнашига тўсқинлик қилмаслигига умид қилмоқда.
Хью Жекман
2013 йилда актёрнинг бурнида карсинома топилган эди. У бир неча марта кимётерапия ва жарроҳлик муолажаларини бошдан кечирди. Ўшандан бери Хью мунтазам равишда текширилади ва уйдан қуёшдан ҳимояловчи кремсиз чиқмайди.
Брижит Бардо
Актриса 1983 йилда даҳшатли ташхис ҳақида эшитди ва бу тақдир деб ҳисоблаб, даволанишдан бош тортди. Яхшиямки, дўстларининг бири уни ҳаётини сақлаб қолишга кўндирди ва касаллик енгилди.
Изоҳ (0)