Ерга ҳафта охирида кўп қаватли бино ўлчамидаги астероид яқинлашмоқда

2023 DЗ2 номил астероид 25—26 март кунлари сайёрамизга 175 минг километр масофагача яқинлашади, деб хабар бермоқда Kubnews.

Космик жисмнинг ўлчами тахминан 60 метрни ташкил қилади.

“ISON-Kitab расадхонасида 2023 ДЗ2 астероиди Ерга яқинлашаётганини кузатмоқдамиз, бу объект 2020 йил июнь ойидан буён Ер орбитасига учиб кирганлар орасида энг йириги бўлади”, — дейилади Россиянинг М.V Келдиш РАН номидаги амалий математика институти “Илмий ва амалий муаммолар учун халқаро телескоплар тармоғи” Коллектив фойдаланиш маркази телеграм-каналида.

Таъкидланишича, астероидни профессионал бўлмаган телескоплар ёрдамида ҳам кўриш мумкин. Астрономлар жисм жуда ёрқин бўлишига ишонмоқда.

Аввалроқ Америка аэрокосмик агентлиги (NASA) 23 йилдан кейин, яъни 2046 йил 14 февраль куни Ерга 2023 DW номли астероид тушиши мумкинлигини маълум қилганди. 2023 DW астероиднинг диаметри тахминан 49,29 метрни ташкил этади ва ҳозир Ердан тахминан 0,12 астрономик бирлик масофасида жойлашган. 2023 DW Турин шкаласи бўйича 1 баллга эга бўлган “хавфли рўйхатдаги” ягона астероиддир.