Россия давлат думаси депутати Константин Затулин Қозоғистонни танқид қилгани учун республикага киритилмади. Бу ҳақда депутат матбуот хизматига таяниб, “Orda.kz” хабар берди.
Маълум қилинишича, Константин Затулин Қозоғистонга ташрифи исталмаганлиги сабабли мамлакатга киритилмаган.
“Баъзи қийинчиликлар ва Россия Ташқи ишлар вазирлигининг вазиятга аралашувидан сўнг, муаммо ҳал қилинди”, — деди Затулиннинг матбуот хизмати.
Затулин 2022 йилнинг июнь ойида Қозоғистон республикаси президенти Қосим-Жўмарт Тўқаевнинг Россия томонидан босиб олинган Донецк ва Луганск халқ республикаларини тан олмаслиги ҳақидаги баёнотига муносабат билдирганди.
Россиялик депутат “Россия иттифоқчилари ҳамкорликка ‘швед столи’дек муносабатда бўлишларини айтган — нимани ёқтирса, ўшани олади, ёқтирмаса, олмайди”.
“Аҳолиси асосан руслар бўлган бир қатор вилоятлар, аҳоли пунктлари Қозоғистон деб аталишига унчалик алоқаси йўқ эди. Биз ҳамма жойда, шу жумладан Украинага нисбатан ҳам айтамиз: агар бизда дўстлик, ҳамкорлик ва шериклик бўлса, ҳеч қандай ҳудудий масала кўтарилмайди. Агар бундай бўлмаса, Украина мисолида бўлгани каби, ҳамма нарса бўлиши мумкин”, — деган эди Затулин.
Сентябрь ойида “Московский комсомолец” нашрига берган интервьюсида Затулин қозоқ банкларининг Мир карталари билан ишлашдан бош тортиши ҳақида фикр билдирганди. Унинг сўзларига кўра, мамлакат Ғарб санкцияларига эътибор қаратиб “катта таваккал” қилмоқда.
Қозоғистон парламентида россиялик депутатнинг баёноти “нодўстона” ва “провокацион” деб баҳоланган.
Изоҳ (0)