Тоғли Қорабоғнинг Мардакерт вилоятида россиялик тинчликпарвар кучларнинг жавобгарлик зонасида ўт очишни тўхтатиш режимининг бузилиши қайд этилди, дейилади Россия Мудофаа вазирлиги бюллетенида.
"Озарбайжон Қуролли кучлари томонидан Мардакерт вилоятида ўт очишни тўхтатиш режимининг бузилиш ҳолати қайд этилди. Қурбонлар йўқ", дейилади Мудофаа вазирлигининг Россия тинчликпарвар кучлари фаолияти ҳақидаги бюллетенида.
Қайд этилишича, Россия тинчликпарвар контингенти қўмондонлиги Озарбайжон ва Арманистон томонлари билан биргаликда ушбу факт бўйича суриштирув ишларини олиб бормоқда.
2020 йил сентябрь ойи охирида Тоғли Қорабоғда жанговар ҳаракатлар қайта бошланди, бу узоқ муддатли можаронинг давомига айланди ва тинч аҳолининг қурбон бўлишига олиб келди. Томонлар сулҳ тузишга бир неча бор уринишган, бироқ 10 ноябрга ўтар кечаси эришилган уч томонлама келишув муваффақиятли бўлган.
Изоҳ (0)