1,5 млн долларлик танк ва 95 минг долларлик гулдаста: машҳурларнинг энг ғалати ва ақлбовар қилмайдиган қимматбаҳо харидлари (фото)

Дунё бўйлаб мухлисларга эга машҳурлар орасида молиявий аҳволи ҳақида ўйламай пул сарфлайдиганлари ҳам бор. Қуйида шу каби машҳурларнинг қимматбаҳо, ғалати харидлари ҳақида маълумот берамиз.

Перис Ҳилтон

Ит инсоннинг дўсти ва эгасидан ёмон яшаши керак эмас. Перис 2009 йилда иккита ити учун 325 000 долларга вилла сотиб олди. Вилла 300 квадрат метр дизайнга эга мебеллари билан тўлдирилган. Бундан ташқари, унда итларнинг югуриши учун мўлжалланган жой бор.

Jay-Z ва Бейонсе

95 000 долларлик гулдаста, 2 000 долларлик торт, кийимига олмос қадалган Barbi — буларнинг барчасини Jay-Z ва Бейонсе қизи Блу Айвининг биринчи туғилган куни учун сотиб олган.

Селин Дион

Хонанда Селин Дион махсус ҳавони намлантирувчи қурилма сотиб олишга 2 миллион доллар сарфлаган. Селиннинг айтишича, одатий кислород унинг товуш пайчаларига зарар етказади.

Дональд Трамп

Самолётда кимгадир қулай ўриндиқ, яхши наушниклар ва сокин ҳамроҳ керак, бироқ Дональд Трампга буларнинг кераги йўқ. Унга денгиз тузи, кўпик ва ранг-баранг шарчалар керак, АҚШ собиқ президенти самолёт бортида чўмилишни яхши кўради.

Том Круз

2005 йилда Том Круз ва унинг ўшанда ҳомиладор бўлган севгилиси Кети Холмс ухлашдан аввал телевизор эмас, УТТ аппаратини томоша қилишган. Жуфтлик ушбу аппаратни 200 минг долларга сотиб олган ва кейинчалик бу технология мўжизаси шифохоналардан бирига тақдим этилган.

Арнолд Шварсенеггер

Арнолд Шварсенеггер 74 ёшида ҳақиқий танк сотиб олди. Ушбу жанговар машина “темир Арни”га 1,4 миллион долларга тушди.