Америкалик кино ижодкорлар томонидан суратга олинган комедия жанридаги “Ниқоб” фильми 1994 йилда катта экранларга чиққан. Актёрларнинг харизмаси, таъсирчан сюжети ва аниқ мақсадли кулгили саҳналари Чак Рассел режиссёрлигидаги комедияни култ фильмга айлантирди.

Шу билан бирга, “Ниқоб” фильми бош роллар ижрочиларига катта машҳурлик келтирди. Фильмда дебют қилган актриса Кемерон Диас гўзал актриса мақомини олди, бироқ актёр Жим Керри энг шошқалоқ комедиячилардан бирига айланди. “Ниқоб”  кинокартинаси телеекранларда намойиш этилганига 29 йил бўлди. Бироқ, лойиҳа ҳали ҳам томошабинларнинг энг севимли кинофильмлари қаторида туради.  

Жим Керри — Стенли Ипкис ролида

Канадалик актёр Жим Керри уятчан банк ходими Стенли Ипкис ролини экранларда гавдалантирди. Фильм чиққанида актёр 32 ёшда эди. “Ниқоб” фильми Керрига ақл бовар қилмас машҳурлик келтирди ва Стенли Ипкис роли ҳали ҳам унинг энг муваффақиятли образларидан бири бўлиб қолди. Актёр бу лойиҳадан олдин  “Эйс Вентура: Уй ҳайвонлари детективи” фильмида суратга тушган бўлса-да, танқидчилар фильмга яхши баҳо бермади, бироқ  томошабинларга картина маъқул келди. Бироқ “Ниқоб” фильми Керрини кино танқидчилари назарида қайта тиклади.

1994 йилдан кейин Голливуд юлдузи машҳурлик зинапоясига муваффақиятли кўтарила бошлади. Шундан кейин ва шу кунгача ҳар йили Жим Керри рол ўйнаган фильмлар катта экранларга чиқарилади. Актёр “Абадий Бетмен”, “Трумен шоуси”, “Ойдаги одам”, “Гринч Рождествони қандай ўғирлади?”, “Беғубор ақлнинг абадий қуёши”, “Соник” ва бошқа фильмларда суратга тушди.

Жим Керрининг шахсий ҳаётида муаммолар бор эди. Актёр икки марта турмуш қурди ва кўплаб машҳур аёллар билан муносабатда бўлди. Керрининг биринчи турмуш рафиқасидан 1987 йилда туғилган Жейн Эрин исмли қизи бор. Актёр 2010 йилда илк марта бобо бўлган.

Жим Керри 2012 йилда Катрина Уайт билан учраша бошлади, бироқ жуфтлик узоқ муддатли муносабат қура олмади, шунинг учун улар бир неча ойдан кейин ажрашди.

Улар иккинчи марта 2015 йилнинг май ойида учраша бошлади ва сентябрь ойида яна ажрашди. Шундан сўнг Катрина ўз жонига қасд қилди ва бу тўғрисида хат қолдирди. Керри учун бу оғриқли зарба бўлди, актёр Катринанинг ўлимини қаттиқ қабул қилди. Актёр 2019 йилда  оммага янги севгилиси, актриса Жинженер Гонзагани таништирди.  Жим Керри ҳозирда 61 ёшда.

Кемерон Диас — Тина Карлайл

Америкалик ёш актриса Кемерон Диас Стенли Ипкиснинг севгилиси Тина Карлайл ролини ижро этган. Картина чиққанда Кемерон атиги 21 ёшда эди, бу унинг актёрлик карьерасидаги дебюти бўлган.

“Ниқоб” Диасга машҳурлик келтирган бўлса-да, кейинги уч йил давомида у кам бюджетли фильмларда рол ижро этди. Кейинчалик машҳур “Энг яхши дўстимнинг тўйи”, “Лас-Вегасдаги қўрқув ва нафрат”, “Алмашиб қолган таътил”, “Жуда ёмон ўқитувчи” ва бошқа муҳим фильмларда рол ўйнай бошлади.

Бироқ 2014 йилдан кейин Кемерон фильмларда рол ижро этмади. Актриса ўзини оиласига бағишлади. У 2015 йилда мусиқачи Бенжи Мадден билан турмуш қурди ва 2019 йилда жуфтликнинг узоқ кутилган қизи Реддикс дунёга келди.

Кемерон Жаред Лето ва Жастин Тимберлейк билан муносабатда бўлган. Актриса ҳозирда 50 ёшда.

Питер Ригерт  — Митч Келловей

Америкалик актёр Питер Ригерт 47 ёшида лейтенант Митч Келловей ролини ижро этган. У “Ниқоб” фильмида суратга тушмасидан олдин  кино оламда муваффақият қозонган. Актёр “Маҳаллий қаҳрамон”, “Менажерия”, “Оскар” ва бошқа фильмларда суратга тушган.

“Ниқоб” фильми чиққандан кейин Ригерт фильмларда суратга тушишни камайтирди. Ҳозирги кунда актёр 76 ёшда, унинг шахсий ҳаёти ҳақида деярли ҳеч нарса маълум эмас.

Питер Грин — Дориан “Локи” Тайрелл

Америкалик актёр фильмда мафия зобити Дориан “Локи” Тайрелл ролини ижро этган. Лойиҳа катта экранларга чиқарилганда, актёрнинг ёши 28 да эди.

Питер “Ниқоб” фильмидан ташқари Питер “Жиноий асар” ва “Олмос полицияси” каби фильмларда ҳам муваффақиятли ролларни ижро этган. Актёрнинг ўзига хос кўриниши туфайли унга жиноятчи роллари берилди.

1998 йилда актёр гиёҳванд моддаларни, шу жумладан героин истеъмол қилгани маълум бўлди. Кейинчалик, у реабилитация курсига борди. 2003 йилдан буён Питер Грин Голливудда яшайди. Актёр шундан кейин фильмларда суратга тушишни камайтирди. Ҳозирда актёр 57 ёшда.

Эми Ясбек — Пегги Brandт

“Ниқоб” фильмидаги америкалик актриса журналист Пеги Брандт ролини ўйнаган, суратга олиш пайтида у 31 ёшда эди.

“Ниқоб” фильмидан кейин Эми “Ниқоб” каби муваффақиятли фильмларда рол ижро этмади. Одатда актриса кам даромад келтирадиган фильмларда кичик ролларни ижро этган.

Эмининг 1998 йилда туғилган Стелла исмли қизи бор. Актриса фожиали тарзда вафот этган. У актёр Жон Риттер билан турмуш қурган эди. Эмининг турмуш ўртоғи суратга олиш майдончасида касал бўлиб қолган, у юрак оғриғидан шикоят қилган, ҳушини йўқотган ва комага тушиб, вафот этган. Ясбек севгилисининг ўлимини алам билан бошдан кечирди ва ҳатто узоқ вақт фильмларда рол ўйнай олмади. Америкалик актриса ҳозирда 60 ёшда.

Ричард Жанни — Чарли Шумайкер

Америкалик актёр ва комедиячи экранларда Стенлининг дўсти Чарли Шумайкер ролини ижро этган. “Ниқоб” фильми чиққанда актёр 37 ёшда бўлган.

Ричард актёр сифатида эмас, комедиячи сифатида машҳур бўлди. “Ниқоб” фильмидаги рол актёрнинг дебюти ва бу образ жуда муваффақиятли бўлди. Орадан вақт ўтиб актёр яна бир нечта фильмларда, жумладан, “Ён, Голливуд, ён” ва “Ҳамма Крисни ёмон кўради” фильмларида суратга тушди.

2007 йилнинг 10 март санасида Ричард 49 ёшида фожиали тарзда вафот этди. Актёр тўппонча билан бошига ўқ узиб ўз жонига қасд қилди. Кейинчалик Ричарднинг шизофренияга чалингани ва антидепрессантларни қабул қилгани маълум бўлди.