35 ёшли Жек Биссел исмли шахс Голливуд актёри Бенедикт Камбербетчнинг Лондон шимолида жойлашган уйига бостириб кирди. Бу ҳақда Daily Mail хабар бермоқда. Жек аввалроқ Британия пойтахтидаги нуфузли Мейфер туманида жойлашган Beaumont меҳмонхонасида бош ошпаз бўлиб ишлаган.
Ҳодиса айнан қайси куни юз бергани ошкор қилинмаган. ОАВнинг ёзишича, Биссел актёр яшайдиган уй ҳудудига темир дарвозаларни очиб, домофонни бузиб, кириб олган ҳамда “Биламан, сиз бу уйга кўчиб ўтгансиз, умид қиламанки, уй ёниб кетади”, — дея бақирган. Шундан сўнг Биссел уй ҳовлисидаги ўсимликлардан бирини узиб олган ҳамда уни деворга қаратиб улоқтирган.
Бу вақтда актёр, унинг рафиқаси Софи Хантер ва уч фарзанди уйда эди. Улар эркакнинг уйга киришидан қўрққан.
Биссел Камбербетчнинг уйини полиция келгунича тарк этган бўлса-да, у дарҳол қўлга олинган. Унинг устидан суд иши 10 май куни бўлиб ўтган. Эркак суд томонидан 3000 доллар жаримага тортилган ҳамда унга актёрнинг уйига яқинлашиш тақиқланган.
Мавзуга доир
×![Lightbox Image]()
Изоҳ (0)