“Форсаж” фильмининг барча қисмлари бутун дунё бўйлаб 7 миллиард доллар тўплади

“Форсаж 10” фильмининг муваффақиятли тақдимотидан кейин лойиҳа расман бутун дунё бўйлаб 7 миллиард доллар тўплагани маълум бўлди.

Ушбу натижага “Форсаж” фильмларидан ташқари “Юлдузлар жанги” франшизаси, “Гарри Поттер”, “Жеймс Бонд” лойиҳаси ва Marvel кинематик олами эришган.

“Форсаж” фильмлари умумий 11 та қисмдан иборат ва ҳозирга қадар  кассада 7,03 миллиард доллар йиғган. Энг кўп даромад келтирган фильм Пол Уокер сўнгги ролини ижро этган “Форсаж 7” ҳисобланади, ушбу лойиҳа умумий 1,52 миллиард доллар тўплаган.

“Форсаж 10” фильми ўтган ҳафта катта экранларга чиқди ва дунё бўйлаб 388 миллион доллар йиғишга муваффақ бўлди.

Маълумот ўрнида, франшизанинг ўнинчи қисмида Торетто ва унинг шериклари ўлдирилган наркобароннинг ўғли Данте (Жейсон Момоа ижро этган қаҳрамон) билан яна бир кучли рақибга дуч келади. Фильмда бош ролларни Мишел Родригес, Тайриз Гибсон, Жордана Брюстер, Бри Ларсон, Шарлиз Терон, Жон Сена, Ҳелен Миррен ва бошқалар ижро этган.

Лойиҳага Луи Летере (“Алдаш иллюзияси” лойиҳаси муаллифи) режиссёрлик қилган. У, шунингдек, “Форсаж-11” фильмини ҳам суратга олади. Фильмнинг бюджети 340 миллион долларни ташкил этди.