Агар қайси фильмни кўришни билмаётган бўлсангиз ёки хато қилмайдиган одамлар бормикан деб ўйлаётган бўлсангиз, унда ушбу мақола сиз учун.
Уэс Андерсон
Уэс Андерсоннинг ҳар бир фильми санъат асарига ўхшайди. “Гранд Будапешт меҳмонхонаси” картинасининг ўзи кўп нарсага арзийди, унда режиссёр ўзига хос ва бетакрор услубни ўйлаб топган. Уэснинг барча ишлари эстетика, соддалик ва тафсилотларга эътиборни бирлаштиради. Ҳатто ранглар палитраси ҳам кино учун фон эмас, балки фильмнинг тўлиқ ҳуқуқли қаҳрамонига айланади. У ёмон фильм суратга олиш нималигини билмайдиган режиссёрлар рўйхатида бўлгани ажабланарли эмас, албатта.
Альфонсо Куарон
Альфонсо Куарон 1991 йилдан 2018 йилгача саккизта бадиий фильмга режиссёрлик қилган. Улар орасида “Кичик малика” (1995), “Буюк умидлар” (1998), “Сенинг онанг ҳам” (2001), “Гарри Поттер ва Азкабан асири” (2004), “Фавн лабиринти” (2006), “Инсоният болалари” (2006), ”Гравитация” (2013) ва бошқа кўплаб фильмлар. Унинг барча фильмлари болалар фантазиясидан тортиб, илмий-фантастик даҳшатгача бўлган жанрлар каби турлича. Ва уларнинг ҳар бири ўзига хос тарзда ажойиб.
Дени Вильнёв
Кино оламининг маэстроси номини олган канадалик режиссёр Дени Вильнёв 1998 йилдан 2023 йилгача 11 та фильм суратга олган. “Дюна” бу — бутун дунё бўйлаб кўплаб мукофот, олқиш ва мухлисларни тўплаган унинг шоҳ асари ҳисобланади. Бундан ташқари, Денининг фильмографиясида албатта кўриб чиқишга арзийдиган картиналар бор — “Тиғ устида югурувчилар 2049” (2017), “Ёнғинлар” (2010), “Асиралар” (2013), “Етиб келиш” (2016) ва бошқа кўплаб фильмлардир. Дени Вильнёв ҳақли равишда XXI асрнинг энг машҳур ва истеъдодли режиссёрларидан бири ҳисобланади, у ўз ишида ажойиб визуал эффектлардан фойдаланади.
Пон Жун Хо
Жанубий кореялик режиссёр ва ссенарист Пон Жун Хо бир йил ичида тўртта мукофотни қўлга киритиб, тарихга кирди. Ва буларнинг барчаси унинг “Паразитлар” фильми туфайли. Режиссёрнинг профессионаллиги оддий томошабинлар ҳам, танқидчилар томонидан ҳам юқори баҳоланди, шунинг учун у ёмон фильмларни қандай суратга олишни билмайдиган ижодкорлар орасида муносиб ўрин эгаллади.
Режиссёрнинг кўриш керак бўлган фильмлари қаторига “Ҳураётган ит ҳеч қачон тишламайди” (2000), “Қотиллик хотиралари” (2003), “Динозаврлар истилоси” (2006), “Она” (2009), “Қор орқали” (2013) ва “Окжа” (2017) киради. Қайд этиш жоизки, Пон Жун Хо ўзининг барча асарлари учун сценарийларни ўзи ёзган! Айтганча, унинг тўлиқ метражли “Микки-17” фильми 2024 йилда экранларга чиқади. Бош ролларда Роберт Паттинсон, Стивен Ён, Тони Коллетт ва Марк Руффало.
Квентин Тарантино
Кветин Таратинони деярли ҳамма билади, ҳеч бўлмаганда унинг фильмлари ҳақида эшитган, чунки унинг битта бўлса ҳам фильмини билмаслик мумкин эмас. Режиссёр 1992 йилдан 2019 йилгача тўққизта бадиий фильм суратга олган. Айтганча, Квентин мухлислари ўнинчи фильмнинг пайдо бўлишини интиқлик билан кутишлари мумкинлигини айтди, аммо бу охирги фильм бўлади.
Айни пайтда унинг фильмографиясида “Қутурган итлар” (1992), “Жиноий асар” (1994), “Жеки Браун” (1997), “Биллнинг қотили” (2003), “Биллнинг қотили-2” (2004), “Ўлим исботи” (2007), “Манфур кимсалар” (2009) , “Озод Жанго” (2012), “Жирканч саккизлик” (2015) ва “Бир пайтлар Голливудда” (2019). Сўнгги фильм “Кинотанқидчи” деб номланади: воқеалар 1977 йилда Лос-Анжелесда бўлиб ўтади. Суратга олиш ишлари 2023 йилнинг кузида бошланиши керак. Мазкур фильм Квентиннинг режиссёрлик фаолиятига нуқта қўяди.
Aкирa Куросава
Режиссёр 50 йилдан бери фаолият юритади. Бу вақт ичида Akira 30 дан ортиқ фильмларни суратга олишга муваффақ бўлди, уларнинг ҳеч бири муваффақиятсиз бўлмади. Бундан ташқари, унинг 7 та асари ҳали ҳам IMDb маълумотларига кўра 250 та энг яхши фильмлар рўйхатида. Япониялик режиссёр шу қадар маҳоратлики, Федерико Феллини, Жорж Лукас ва Андрей Тарковский унинг ижодидан илҳом олишган. Кўпгина кино танқидчилари унинг ижоди кино ривожига таъсир қилган деб ҳисоблашади.
Кристофер Нолан
Кристофер Нолан 1998 йилдан 2023 йилгача 12 та фильм суратга олган. “Қора ритсар” (2008), “Престиж” (2006), “Инстеллар” (2014), “Муқаддима” (2010), “Оппенгеймер” (2023), “Қора ритсар: Афсонанинг қайта туғилиши” (2012) ва бошқа кўплаб фильмлар учун сценарийларни Кристофернинг ўзи ёзган. Маълумки, режиссёр кинода энг катта ҳажмдаги тасвирларни яратиш учун ҳамма нарсани 70 мм IMAX плёнкасига суратга олади. Бу унинг ҳар бир картинасига алоҳида улуғворлик беради.
Мартин Скорсезе
Албатта, Мартин Скорсезесиз рўйхат тўлиқ бўлмайди. Моҳир режиссёр 1967 йилдан 2023 йилгача 26 та бадиий фильмга режиссёрлик қилган. Унинг фильмографиясидаги деярли ҳар бир картина томошабинлар ва танқидчиларнинг алоҳида эътиборини қозонган. Улар орасида: “Таксичи” (1976), “Қутурган буқа” (1980), “Нью-Йорк тўдалари” (2002), “Муртадлар” (2006), “Лаънатланганлар ороли” (2010) ва “Уол-стритлик бўри” (2013) фильмлари бор.
Бир неча кун олдин, Канн кинофестивалида 2023 йилда унинг “Гулли ой қотиллари” фильми танқидчилар ва меҳмонлар томонидан юқори баҳоланди. Мазкур янги фильм Мартин Скорсезе сценарийсини ўзи ёзган 7 та фильмдан биридир.
Стенли Кубрик
Рўйхатни 1953 йилдан 1999 йилгача 13 та фильм суратга олган Стенли Кубрик якунлайди. “Ёғду”, “Қизиққон апелсин”, “Кенг юмилган кўзлар билан” — булар ҳамма кўрган фильмлар, лекин уларга қўшимча равишда режиссёрнинг жуда кўп сонли чинакам чуқур, очиқ ва истеъдодли асарлари бор, уларнинг ҳар бири алоҳида эътиборга лойиқдир. Стенли Кубрик даҳолигини тушунтиришнинг иложи йўқ, унинг фильмларини тўлиқ ҳис қилиш ва ҳеч бўлмаганда тушунишга ҳаракат қилиш учун (ва бир неча марта) томоша қилиш керак.
Изоҳ (0)