35 yoshli Jek Bissel ismli shaxs Gollivud aktyori Benedikt Kamberbetchning London shimolida joylashgan uyiga bostirib kirdi. Bu haqda Daily Mail xabar bermoqda. Jek avvalroq Britaniya poytaxtidagi nufuzli Meyfer tumanida joylashgan Beaumont mehmonxonasida bosh oshpaz bo‘lib ishlagan.
Hodisa aynan qaysi kuni yuz bergani oshkor qilinmagan. OAVning yozishicha, Bissel aktyor yashaydigan uy hududiga temir darvozalarni ochib, domofonni buzib, kirib olgan hamda “Bilaman, siz bu uyga ko‘chib o‘tgansiz, umid qilamanki, uy yonib ketadi”, — deya baqirgan. Shundan so‘ng Bissel uy hovlisidagi o‘simliklardan birini uzib olgan hamda uni devorga qaratib uloqtirgan.
Bu vaqtda aktyor, uning rafiqasi Sofi Xanter va uch farzandi uyda edi. Ular erkakning uyga kirishidan qo‘rqqan.
Bissel Kamberbetchning uyini politsiya kelgunicha tark etgan bo‘lsa-da, u darhol qo‘lga olingan. Uning ustidan sud ishi 10-may kuni bo‘lib o‘tgan. Erkak sud tomonidan 3000 dollar jarimaga tortilgan hamda unga aktyorning uyiga yaqinlashish taqiqlangan.
Gollivud aktyori Benedikt Kamberbetchning Londondagi uyiga pichoq ko‘targan shaxs bostirib kirdi
Mavzuga doir
×![Lightbox Image]()
Izoh (0)