Одатда ҳар бир сериалда бош қаҳрамоннинг бахтига халақит берадиган маккор ёвуз одам бўлади: ундан севгилиси ёки тахтни тортиб олишга ҳаракат қилади. Аммо сюжет воқеаларини яхшилаб таҳлил қилсангиз, бу қаҳрамон унчалик ёмон одам бўлмаслиги мумкин.
Моҳидаврон (“Муҳташам юз йил”)
Сериалнинг бошида бош қаҳрамон Хуррам Моҳидаврон билан курашишига тўғри келади. Моҳидаврон Сулаймоннинг биринчи меросхўрини дунёга келтиргани учун аёлнинг ҳарамдаги мавқейи баланд эди. Биринчи эпизодларданоқ томошабинлар Моҳидавронни ёқтирмайди, чунки у рашк туфайли Хуррамнинг совуқ зиндонга ташланишини уюштиради. Maлласоч беадаб канизак ўлиши мумкин эди.
Кейинчалик саройда ўз ўрнига эга бўлган Хуррам кундошларига қарши кураш бошлаганида, у ҳам шафқатсиз маликага айланади: у ёрдамчисига малика Изабелладан халос бўлишни буюрганидан сўнг, ҳеч ким султоннинг янги севгилисини қайта кўрмайди. Маълум бўладики, Моҳидаврон ҳам шунчаки золим эмас — у ҳам мавқейи, севгиси ва ўғлининг келажагини ҳимоя қилган.
Маиза (“Клон”)
Аввалига томошабинлар Маизадан нафратланишади. Биринчидан, у бош қаҳрамоннинг асосий рақиби. Иккинчидан, “ёмон” қизини камбағал йигитга турмушга беришни истамаган золим она.
Аммо бу қаҳрамон ҳам ҳамдардликка лойиқ. Маиза суюкли одамининг ўлимидан сўнг унинг эгизак укасига турмушга чиқади. Аёл йўқотиш азобини енгиллаштиришга умид қилиб, оиласини сақлаб қолишга ҳаракат қилади. У шунчаки бахтсиз ва севилмаган рафиқа. Қизининг йигитига нисбатан ишончсизлигини эса фарзандини ҳимоя қилиш истаги билан изоҳлаш мумкин. Яхшиямки, вақт ўтиши билан Маиза хато қилганини тушунади. У хатоларни тан олишни ва шахс сифатида ўсишни билади.
Ҳафса султон (“Муҳташам юз йил”)
Сериал мухлислари бу персонажни султоннинг онаси Волида султон номи билан яхшироқ билишади. Волида ҳарамнинг бошлиғи бўлиб, кўп нарса унга боғлиқ эди. Аслида у Хуррамнинг ёвуз қайнонаси, лекин Моҳидавронни яхши кўрарди. Хуррамни зиндонга ташлашни буюрган ҳам Ҳафса эди.
Ҳокимиятга эришишдан олдин Волида султон кўп нарсаларни бошдан кечиради. Хуррам эса султоннинг севгисини осонгина қозонади. Бундан ташқари, канизак ўзига нисбатан ҳақиқий хотинларга бўлган муносабатни талаб қилади. Волида шунингдек, Хуррамнинг султонга ҳаддан ташқари таъсир қилишидан қўрқиб, ўғлини ундан ҳимоя қилишни хоҳлайди. У доно она каби ҳаракат қилади, чунки Ҳафсанинг ҳам ўз ҳақиқати бор эди.
Рания (“Клон”)
Бош қаҳрамон Жади эрини Рания билан бўлишиши керак эди. Аввалига кундошлар дўст бўлишади, лекин вақт ўтиши билан муносабатлари ёмонлашади. Бироқ Рания Жади айтганидек илон эмас.
Аввалига содда Рания Жадининг ўйинида пиёда бўлади. Жади Рания Саиднинг олдида унинг ёнини олишини хоҳлайди. Аммо Рания Жади томон бўлса, бу унинг никоҳини бузиши мумкин эди, ахир у Саидни чинакамига севади. Шундай қилиб, Рания Жадининг душманлари рўйхатига киради, томошабинлар эса бош қаҳрамон томонида. Рания фақат севгисини ҳимоя қилаётган аёл эканлигини инкор этиб бўлмайди.
Камилла (“Севги ва умид мамлакати”)
“Севги ва умид мамлакати” сериалининг бош қаҳрамонлари Тони ва Марио вазиятга қараб ажралиб туришади. Тони Камиллага уйланади ва уни ёнида олиб қолиш учун ҳамма нарсани қилади. Албатта, аксарият томошабинлар бош қаҳрамоннинг рақибини ёқтирмасди. Лекин ҳамма эмас.
Андреа ("Ёввойи фаришта")
Андреани ижобий қаҳрамон деб аташ қийин, лекин бу қиз сериалнинг бош қаҳрамони айтганидек, “жулдурвоқи” эмас. У обрўли, назокатли, ўз қадр-қимматини билади ва ҳаётдан нимани хоҳлашини тушунади.
Андреа саргузаштга мойил одам учун котиба бўлиб ишлайди. Қизнинг унинг йўл-йўриғига эргашмаслиги, ўз манфаатига кўра ҳаракат қилиши эса унинг ақли ва ички мени борлигидан далолат беради.
Серсея (“Тахтлар ўйини”)
Биринчи эпизодлардан бошлаб қиролича Серсея маккора сифатида намоён бўлади. У саройда фитна уюштиради, акаси билан қиролнинг собиқ маслаҳатчисини йўқ қилади ва кейин Санса Старкни ҳақоратлайди.
Аммо Серсеянинг эри уни ҳеч қачон севмаган. Бундан ташқари, у ўзини жирканч тутди, бутун сарой олдида рафиқасини камситади. Табиийки, ҳеч ким Серсеянинг болалари эридан эмаслигини билмаслиги керак эди — шунинг учун қиролнинг жуда ақлли маслаҳатчиси узоқ умр кўрмайди. “Тахтлар ўйини дунёси шафқатсиз, Серсея оиласини — болалари, севгилисини ҳимоя қилади. У яхши она. Агар томошабинлар бутун воқеани Серсеянинг кўзи билан кўришса, қаҳрамоннинг хайрихоҳлари кўпроқ бўларди.
Изоҳ (0)