Қашқадарё вилоятининг Яккабоғ туманида блогер аёвсиз калтаклангани, айни пайтда дом-дараксиз йўқолгани хабар берилганди. Вилоят ИИБ блогер ҳақида маълумот берди.
“Жорий йилнинг 26 май куни тахминан соат 22:30 лар атрофида Яккабоғ тумани ‘Ибн Сино’ маҳалласи ҳудудида жойлашган пилла маҳсулотини сақлаш омборхонасида пиллаларни қабул қилиб олиш жараёни олиб борилаётган вақтда ўзини блогер деб таништирган фуқаро О.Э. пилла топшириш масканига борган. Шу ерда фермерларнинг ишига аралашиб, уларга турли номуносиб савол-жавоблар қилиши оқибатида ўрталарида жанжал келиб чиққан. Ушбу жараёнда фуқаро фермерларни ҳақорат қилган”, — дейилади вилоят ИИБ ахборотида.
Қайд этилишича, пилла етиштирувчи фермерлар фуқаронинг хатти-ҳаракатлари юзасидан Яккабоғ туман ички ишлар бўлимига мурожаат қилган.
“Ҳолат масъул ходимлар томонидан атрофлича ўрганилиб, фуқаро О.Э.га нисбатан Маъмурий жавобгарлик тўғрисидаги кодекснинг 183-моддаси ҳамда 198-моддаси 1-қисми билан маъмурий баённома расмийлаштирилиб, тўпланган ҳужжатлар қонуний тўхтамга келиш учун жиноят ишлар бўйича Яккабоғ туман судига юборилган”, — дейилади расмийлар маълумотида.
Изоҳ (0)