Qashqadaryo viloyatining Yakkabog‘ tumanida bloger ayovsiz kaltaklangani, ayni paytda dom-daraksiz yo‘qolgani xabar berilgandi. Viloyat IIB bloger haqida maʼlumot berdi.
“Joriy yilning 26-may kuni taxminan soat 22:30 lar atrofida Yakkabog‘ tumani ‘Ibn Sino’ mahallasi hududida joylashgan pilla mahsulotini saqlash omborxonasida pillalarni qabul qilib olish jarayoni olib borilayotgan vaqtda o‘zini bloger deb tanishtirgan fuqaro O.E. pilla topshirish maskaniga borgan. Shu yerda fermerlarning ishiga aralashib, ularga turli nomunosib savol-javoblar qilishi oqibatida o‘rtalarida janjal kelib chiqqan. Ushbu jarayonda fuqaro fermerlarni haqorat qilgan”, — deyiladi viloyat IIB axborotida.
Qayd etilishicha, pilla yetishtiruvchi fermerlar fuqaroning xatti-harakatlari yuzasidan Yakkabog‘ tuman ichki ishlar bo‘limiga murojaat qilgan.
“Holat masʼul xodimlar tomonidan atroflicha o‘rganilib, fuqaro O.E.ga nisbatan Maʼmuriy javobgarlik to‘g‘risidagi kodeksning 183-moddasi hamda 198-moddasi 1-qismi bilan maʼmuriy bayonnoma rasmiylashtirilib, to‘plangan hujjatlar qonuniy to‘xtamga kelish uchun jinoyat ishlar bo‘yicha Yakkabog‘ tuman sudiga yuborilgan”, — deyiladi rasmiylar maʼlumotida.
Izoh (0)