Туркиянинг “Фотиҳ Карагюмрюк” клуби бош мураббий Андреа Пирлони истеъфога чиқарди.
Италиялик мутахассиснинг клуб билан шартномаси бекор бўлди. “Биз Андреа Пирло ва унинг штаби билан янги мавсумда ҳамкорликни давом эттира олмаслигимиз сабабли, унга кетиш имкониятини бердик. Клуб мутахассисга келажакдаги режаларини ўйлаб олиши учун унга вақт беради. Мавсумнинг қолган қисмини имкон қадар юқори даражада ўтказишга ҳаракат қиламиз.
Пирло билан ҳамкорликдан ва унинг клуб ривожланиши йўлида қўшган ҳиссасидан миннатдормиз”, — дейилади клуб баёнотида.
Маълумот учун, Андреа Пирло 2022 йил ёзидан буён Туркия клубини бошқариб келаётган эди. Қайд этиб ўтиш жоиз, “Фотиҳ Карагюмрук” сафида ўзбекистонлик Отабек Шукуров ҳаракат қилади.
Клуб Туркия чемпионатида ортда қолган 33 турдан сўнг 44 очко билан 9-поғонани эгаллаб турибди.
Изоҳ (0)