U-20 ЖЧ—2023. Аргентина ёшлари Гватемалани йирик ҳисобда енгиб, плей-офф масаласини ҳал қилди

Футбол бўйича ёшлар ўртасидаги Жаҳон чемпионатининг А ва B гуруҳларида 2-тур баҳслари 23 майдан 24 майга ўтар кечаси бўлиб ўтди.

Мусобақа мезбони Аргентина 2-турда Гватемалага қарши баҳс олиб борди ва йирик ҳисобда ғалаба қозонди. Мазкур ғалаба эвазига аргентиналиклар очколарини 6 тага етказиб олди ва муддатидан гуруҳдан чиқиш масаласини ҳам қилди.

А гуруҳининг иккинчи ўйинида Ўзбекистон ва Янги Зеландия жамоалари 2:2 ҳисобида дуранг ўйнаганди.

3-турда Ўзбекистон ёшлари Гватемалага қарши баҳс олиб борса, Аргентина Янги Зеландия билан ўйнайди.

B гуруҳида АҚШ U-20 терма жамоаси Фижини йирик ҳисобда ютиб, очколарини олтитага етказди. Фижи эса бирорта очко ололмай, сўнгги ўринда қолди.

Яна билан ўйинда Эквадор Словакия устидан иродали ғалабага эришди. Сўнгги тур олдидан ҳар икки жамоада 3 тадан очко бор.

24 майдан 25 майга ўтар кечаси яна иккита гуруҳда 2-тур баҳслари бўлиб ўтади.

C гуруҳи

• Сенегал — Исроил 23:00
• Япония — Колумбия 02:00

D гуруҳи

• Италия — Нигерия 23:00
• Бразилия — Доминикан 02:00

U-20 ЖЧ—2023

2-тур баҳслари

23/24 май

Аргентина — Гватемала 3:0

Голлар: 1:0 – 17 Велиз, 2:0 – 65 Ромеро, 3:0 – 90+8 Перроне.

Четлатишлар: Авилес (82) – Сантос (58).

АҚШ — Фижи 3:0

Голлар: 1:0 – 66 Луна, 2:0 – 88 Ковелл, 3:0 – 90+9 Вайли.

Эквадор — Словакия 2:1

Голлар: 0:1 – 30 Шолгаи, 1:1 – 45+1 Куэро, 2:1 – 59 Клингер.