Ўзбекистонда 2023 йил академик лицейларнинг 3 минг нафардан ортиқ битирувчиси чет тилидан миллий сертификат олди. Бу ҳақда Олий таълим, фан ва инновациялар вазирлиги ахборот хизмати хабар берди.
Билим ва малакаларни баҳолаш агентлиги томонидан май ойида чет тилини билиш даражасини аниқлаш бўйича ўтказилган тест имтиҳонлари натижасига кўра, академик лицейларнинг 3 248 нафар 2-босқич ўқувчиси B, C1 даражадаги хорижий тиллар бўйича миллий сертификатга эга бўлди.
Жумладан, ўқувчиларнинг 1 579 нафари B1, 1 504 нафари B2, 165 нафари C1 даражали миллий сертификат олишди. Ушбу кўрсаткич 2020/2021-ўқув йилига нисбатан беш баробар, 2021/2022-ўқув йилига нисбатан эса икки баробардан кўпроқ нисбатга ортган.
Маълумот учун, B2 ва ундан юқори даражадаги миллий ёки хорижий сертификатга эга бўлган абитуриентларга таълимнинг кейинги босқичида, яъни олий таълим муассасаларига ўқишга киришда мос фандан имтиҳонларсиз белгиланган максимал балл берилади.
Изоҳ (0)