Фильмлар муваффақиятининг калити мукаммал актёрлик маҳоратида. Қуйида афсоналарнинг образини яратган машҳурлар ҳақида маълумот берамиз.
Тимоти Шаламе Боб Дилан ролида (“Бегона”)
Фильмда мусиқачининг рок-н-роллга иштиёқи баланд бўлган давр ҳақида ҳикоя қилинади. 1965 йилда Дилан акустик гитарадан электр гитарага ўтади ва бу карьерасидаги бурилиш нуқтасига айланади. Фильмда Элль Феннинг Бобнинг севгилиси, рассом Силвия Руссо образида пайдо бўлади.
Тарон Эжертон — Элтон Жон (“Рокетмен”)
Бастакор, пианиночи ва Британия империяси ордени соҳиби — бундай одамнинг таржимаи ҳоли ҳаммада қизиқиш уйғотади. Чунки режиссёр Декстер Флетчер “Рокетман” фильми устида 10 йил ишлаган. Элтон Жон ролини Тарон Эжертон ижро этган. Фильм мусиқачи билан 1990 йилларга қадар содир бўлган воқеалар ҳақида. Бош ролга тайёргарлик кўришда Эжертон шундай деди:
“Мен Элтон ва унинг дўстлари билан кўп вақт ўтказардим. Биз ҳаёт, тажриба ва саргузаштлар ҳақида гаплашардик. Мен унинг кўплаб мусиқаларини тингладим, шунингдек, у профессионал бўлишдан олдин нималарни тинглаган бўлса, уларни ҳам эшитдим. Элтон билан квартирамда кўп вақт ўтказардик, унинг концертларини томоша қилардик. Шу тариқа унинг дунёсига шўнғиб кетдим”.
Остин Батлер — Элвис Пресли (“Элвис”)
Остин Батлер томонидан ижро этилган Элвис Преслининг ижодий йўли хонанданинг менежери Том Паркер билан муносабатлар призмаси орқали кўрсатилган. Агент 20 йилдан ортиқ вақт давомида мусиқачининг ёнида бўлган. Бу вақт ичида номаълум ижрочи рок-н-ролл қиролига айланади. Батлер фильмга пухта тайёргарлик кўради. У икки йил давомида турли ўқитувчилардан вокал дарсларини олади ва бир йил давомида оиласидан узоқда яшайди.
“Ҳеч ким билан умуман гаплашмаган ойларим бўлди. Ўша вақтда мен фақат Элвис ҳақида ўйладим, доимо у бўлиб гапирдим”.
Рами Малек — Фредди Меркьюри (“Богемия рапсодияси”)
Кинобиография Фредди Меркьюрига, унинг ўзини тан олишига ва даҳшатли касалликка қарши курашга бағишланган. Queen’нинг машаққатли йўлини Рами Малекдан яхшироқ ижро эта оладиган актёрни тасаввур қилиш қийин. Бошиданоқ фильм ижодкорлари унинг маҳоратига шубҳа қилмаганлар:
“Грем ҳам бошқа продюсерлар сингари ҳамма нарса ҳақида осонгина гапиради. Мулоқотимиз охирида бунга чидай олмадим “Мен қўлимдан келганча ҳаракат қиламан. Бу рол орзумдаги образ, уни олиш учун ҳар нарсага тайёрман” дедим. У эса менга аҳмоққа қарагандек: “Тушунмаяпсанми? Бошқа номзодлар йўқ, фақат сен” деган.
Марион Котиляр — Эдит Пиаф (“Пуштиранг ҳаёт”)
Қашшоқликдан ёруғликкача. Эдит Пиаф — француз кабаре инқилобчиси. “Пуштиранг ҳаёт” картинаси харобадаги қиз қандай қилиб миллионлаб одамларнинг қалбини забт эта олгани ҳақида. Экранда Пиафни Марион Котилярни гавдалантиради, бунинг учун актриса “Оскар”га муносиб кўрилади. Актриса суратга олиш жараёнини ҳамон “катта ҳаяжон” билан эслайди:
“Мени Эдит Пиаф ролига таклиф қилишганини билгач, қўрқиб кетдим. Бу ақлдан оздирадиган даражадаги қўрқув эди. Афсонани ўйнаш. Гўё унинг ҳаётини бошимдан ўтказгандек бўлдим: Эдит барча ҳис-туйғуларимни, юришимни, ҳаётимни назорат қилди. Мен энди Марион Котиляр эмасдим, фақат Эдит Пиаф эдим”.
Изоҳ (0)