Тери саратонига олиб келадиган ултрабинафша нурларидан ҳимоя қилишнинг энг самарали усулларидан бири қуёшдан ҳимояловчи воситалардан фойдаланишдир. Дерматологлар уни баҳорнинг ўртасидан кузгача ишлатишни тавсия қиладилар ва бундан нафақат дам олиш масканларига боришдан олдин таътил пайтида, балки шаҳарда истиқомат қилаётганда ҳам фойдаланинг. Афсуски, баъзи тадқиқотлар шуни кўрсатадики, кўпчилигимиз терининг муҳим жойларини унутамиз ва шунинг ўзи ҳам саратон касаллигига чалиниш хавфини сезиларли даражада оширади. Тананинг ушбу қисмларига эътибор беринг ва кейинги сафар ташқарига чиқишга тайёргарлик кўраётганда ўтказиб юборманг.
Бош териси
Ажабланарлиси шундаки, биз бош терисини ултрабинафша нурларидан ҳимоя қилиш ҳақида жуда кам ўйлаймиз. Ваҳоланки, қуёш нурларининг аксарияти бош қисмига тушади. Шу боис кўчада кўп вақт қолишни режалаштирмаган бўлсангиз ҳам шляпа ёки бош кийим ҳақида унутманг. Шу билан бирга ҳар икки соатда бош терисига қуёшдан ҳимояловчи крем суртиб туриш кераклигини ёдда сақланг.
Қулоқ
Дерматологлар кўпинча ҳимоя кремини қўллаш учун терининг фақат икки жойини танлашлари керак бўлса, улар қулоқ ва лабни танлашларини таъкидлашади. Эҳтимол, сиз бу ҳақда билмассиз, аммо лаб ва қулоқ териси энг ҳимоясиздир. Шу жиҳатдан тери саратони ривожланиш хавфининг асосий соҳасидир. Кўчага чиқаётганда махсус крем, лосьонлардан фойдаланинг ва шляпа ёки шарф ўранг.
Лаб
Ultraбинафша нурлари йилига 365 кун тўғридан тўғри лабга тушади. Аммо лаб, айниқса, иссиқ мавсумда, баҳор ва ёзда заифлашади. Бу пайтда уларни нафақат қуруқлашишдан, балки тери саратони ривожланишига олиб келадиган хавфли нурлардан ҳам ҳимоя қилиш жуда муҳимдир. SPF даражаси 30 ёки ундан юқори бўлган маҳсулотлардан фойдаланинг — шунда лабларингиз нафақат намланади, балки ҳимояланади ҳам.
Қовоқлар
Биринчидан, қуёшдан сақлайдиган кўзойнаклардан фойдаланиш ҳар жойда ва ҳар вақт муҳимдир. Аммо кун бўйи кўзойнак тақиб юрсангиз ҳам, қовоқларнинг нозик териси ишончли ҳимояга муҳтож бўлади. Бунда SPF даражаси етарли бўлган одатий юз кремидан фойдаланганингиз маъқул.
Бўйин
Негадир кўпинча бу соҳани унутамиз: бўйин териси қаришга қарши муолажаларни ўзига оладиган ва қуёшнинг хавфли таъсиридан энг кам ҳимояланган жойдир. Бўйин ҳам кун бўйи қуёш нури остида қолади. Шунинг учун у кучайтирилган ҳимояга муҳтож. Кремни кўчага чиқишдан 15 дақиқа олдин суртинг, кун бўйи қуёшда бўлсангиз, ҳар икки соатда бир марта суртиб туринг.
Оёқлар
Оёқ ва унинг бармоқлари яна бир хавф зонасидир. Уйдан чиқишдан олдин оёқларингизни махсус крем билан парваришлашни унутманг.
Қўллар
Ҳа, шундай — қўлларни ҳимоя қилишни тез-тез унутамиз. Қўл териси деярли ҳар доим очиқ бўлиб, қуёш нурларини биринчилардан қабул қилиб олади. SPF даражаси юқори бўлган қўл кремидан фойдаланишни унутманг ва уни нафақат баҳор ёки ёзда, балки қишда ҳам мунтазам қўлланг.
Изоҳ (0)