Қуёш куйдириши қай даражада хавфли ва уни қандай даволаса бўлади?

Қуёш куйдириши соғлиғингизга зарар етказадиган ягона нарса эмас. Терининг минимал зарарланиши кейинчалик ҳам унинг эрта қариши ёки саратонга олиб келиши мумкин.

Тери пигментацияси — офтоб уришининг энг аниқ белгиларидан бири.  Агар ҳимоя воситалари ўз вақтида қўлланилмаса, танада жигарранг ёки қизил рангли хавфли доғлар пайдо бўлади.

Ажинлар зарарнинг яна бир натижаси ҳисобланади. Гап шундаки, тўғридан тўғри қуёш нури терининг эластиклиги учун масъул бўлган эластин ва коллаген ишлаб чиқаришни камайтиради. Бу ўз навбатида, терида қариш белгиларининг пайдо бўлишига олиб келади.

Қуёшнинг терига узоқ вақт таъсир қилишининг энг жиддий оқибати тери саратони бўлиб, ҳар йили дунё бўйлаб беш миллион инсон бу касалликка чалинади. Бунга йўл қўймаслик учун нафақат ўзингизни SPF билан ҳимоя қилишга, балки мунтазам текширувдан ўтишга ҳаракат қилинг.

Қуёш куйдиришининг қандай олдини олиш мумкин?

Энг кенг тарқалган усул — терининг эрта қаришига олиб келадиган UVA нурларидан ва саратон касаллигини келтириб чиқарадиган UVB нурлардан эмас, қуёшдан ҳимояловчи воситалардан фойдаланиш. Бундай ҳолатда, маҳсулотни ҳар икки соатда қайта қўллаш керак.

А, B ва C витаминларини ўз ичига олган маҳсулотлар терининг тикланиш жараёнини тезлаштиришга ёрдам беради. Ретинол эрта қариш белгиларини енгиллаштиради. Витамин B3 ёки ниацинамид терининг ҳимоя тўсиғини тиклайди, витамин C эса ажойиб антиоксидант ҳисобланади. Ушбу маҳсулотлар қуёш нурлари ва бошқа воситалардан келиб чиқадиган таъсирларни даволашда ёрдам беради.

Кимёвий пилинг ва лазерли муолажа

Бу муолажалар теридаги ёш доғлар билан самарали курашишга ёрдам беради. Уйда мунтазам равишда ANA ва BHА эксфолиаторларидан фойдаланинг. Улар терининг ёрқинлигини тиклашга ва текислашга ёрдам беради. Лазер муолажаларини профессионалларга ишониб топширинг.

LED қурилмалари терини ёшартиришнинг барча турлари учун ишлатилади. Бундан ташқари, улар теридаги қорайган жойларни ва нотекис терини даволашда ёрдам беради.

Профессионал инъекцион муолажалар терининг тузилишини яхшилайди ва тошмаларни камайтиради. Бундан ташқари, улар юз терисига тоза ва тинч кўриниш беради.