Дунё бўйлаб энг бой 1 фоиз аҳолига қўшилиш учун қанча пул керак?

Дунё бўйлаб атига 1 фоиз энг бадавлат одамлар қаторига қўшилиш учун сизда қанча маблағ бўлиши керак? Бу ҳақда Bloomberg хабар берди.

Агар Монакода энг бой 1 фоиз одамларга қўшилишни истасангиз, сизга саккиз рақамли бойлик керак бўлади — 12,4 млн доллар.

2023 йилдаги бойлик ҳисоботининг бир қисми сифатида эълон қилинган маълумотларга кўра, Швейцария ва Австралияда 1 фоизгача бўлган энг бадавлат одамлар сирасига кириш учун мос равишда 6,6 миллион ва 5,5 миллион доллар талаб қилинади. АҚШда 5,1 миллион доллар билан сиз бу қаторга киришингиз мумкин.

Кўрсаткичлар пандемия ва турмуш нархининг ошиб бориши бой ва камбағал давлатлар ўртасидаги тафовутни қандай ошираётганини таъкидлайди.

Жаҳон банки маълумотларига кўра, бутун дунё бўйлаб кам даромадли оилалар инфляция юкини ҳис қилмоқда. Бу эса уларни даромадининг анча катта қисмини озиқ-овқат ва уй-жойга сарфлашга мажбур қилди.

Айни пайтда, Bloomberg Billionaires Индех маълумотларига кўра, дунёдаги энг бой 500 киши бу йил умумий бойликларига қарийб 600 миллиард доллар қўшди, Меtа Platforms асосчиси Марк Цукерберг эса энг кўп даромад олган.

Аввалроқ қандай қилиб Бутан Қироллиги криптовалютада миллионлаб долларларни яширинча сақлагани ҳақида хабар берилганди.