Мактабгача ва мактаб таълими вазирлиги томонидан “Умумий ўрта таълим муассасаларида 2022/2023-ўқув йилини якунлаш ва ‘Сўнгги қўнғироқ’ тадбирларини ўтказиш бўйича тавсиялар” ишлаб чиқилди. Бу ҳақда Таълим инспекцияси матбуот котиби хабар берди.
Унга кўра, умумий ўрта таълим муассасаларида “Сўнгги қўнғироқ” тадбирлари 25 май куни эрталаб соат 08:00 дан 09:00 га қадар “Илмни қадрланг, илмга интилинг!” шиори остида ташкил этиш тавсия этилмоқда.
Шунингдек:
- тадбирни тартибли ўтказиш ва ўқувчилар хавфсизлигини таъминлаш мақсадида ўқувчилар сонидан келиб чиққан ҳолда ушбу тадбирга фақатгина 1-, 4-, 9-, 11-синф ўқувчиларини жалб этиш;
- тадбирни маҳалла қўмитаси, ота-оналар ва ҳуқуқни муҳофаза қилиш идоралари вакиллари билан ҳамкорликда ёнғин ва техника хавфсизлиги қоидаларига амал қилган ҳолда ўтказиш ҳамда мактаб ҳудудига техника воситалари ва бегона шахсларнинг киритилмаслигини таъминлаш;
- “Сўнгги қўнғироқ” тадбирларини, босқичли назорат имтиҳонлари ва якуний давлат аттестацияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул йиғимларига йўл қўймаслик;
- мактаб ҳаётида фаол иштирок этаётган ўқувчиларнинг ота-оналарини маънавий рағбатлантиришга алоҳида эътибор қаратиш.
Вазирлик “Сўнгги қўнғироқ” байрам тадбирини тантанали қисмини ўтказиш бўйича намунавий сценарийни ҳам ишлаб чиққан.
Ўзбекистондаги мактабларда педагоглар сони
2022/2023-ўқув йилида республика бўйича умумтаълим муассасаларида таълим бераётган педагоглар сони (ўриндошларсиз) 521,6 минг нафарни ташкил этган. Шундан 159,9 минг нафари ёки жами педагогларнинг 30,7 фоизини эркак педагоглар ташкил этган.
2022/2023-ўқув йилида 2018/2019-ўқув йилига нисбатан эркак педагоглар сони 27,8 минг нафарга ёки 21,0 фоизга кўпайган. Самарқанд ва Қашқадарё вилоятларида мактабларда таълим бераётган эркак педагоглар сони кўп.
Изоҳ (0)