Май ойининг ўрталарига келиб, Украина ҳудудидаги рус ҳарбийлари сони тахминан 400 минг кишини ташкил қилади. Бу ҳақда Украина Мудофаа вазирлиги разведка бош бошқармаси бошлиғи, генерал майор Кирилл Буданов маълум қилди.
Будановнинг сўзларига кўра, гап 370 мингга яқин ҳарбий контингент, Миллий гвардиянинг 20 мингдан ортиқ қўшинлари ва 7 мингга яқин турли ҳарбийлаштирилган тузилмалар ҳақида бормоқда.
Разведка раҳбари ҳозир руслар жиддий ҳужум қилиш имкониятига эга эмаслиги, аммо улар кучли мудофаа қурганини айтди.
“Россияда мудофаа учун жиддий салоҳият бор. Улар эшелонли, кучли мудофаа қурди. Аммо бу олдингидай жиддий ҳужум операцияларини ўтказа оладиган Россия армияси эмас”, — деди у.
Украина қуролли кучлари Бош штаби маълумотларига кўра, урушда Россиянинг 200 мингга яқин аскари ҳалок бўлган.
Изоҳ (0)