“Ҳар бир эпизод якуни томошабинни ҳайратга солади”. Каан Урганжиўғлу ва Пинар Денизнинг “Ҳукм” сериали ҳақидаги фикрлари

“Ҳукм” сериалида бош ролни ижро этган актёрлар — Каан Урганжиўғлу ва Пинар Дениз ўз қаҳрамонларига муносабати, сериалнинг қизиқарли тафсилотлари ва умуман турк киноси ҳақидаги фикрларини гапириб берди.

“Ҳукм” турк кино оламида шу йилнинг асосий сериалларидан бири бўлиб, қотилликда гумон қилинган укасини ҳимоя қилиш учун ёш прокурорнинг адвокат ёллагани ҳақида ҳикоя қилади. Аста-секин уларнинг ўртасида ҳис-туйғулар пайдо бўлади ва бу терговни хавф остига қўяди.

Лойиҳада прокурор ролини Каан Урганжиўғлу ижро этди – у машҳур “Севги изтироби” сериалидаги ролидан сўнг машҳурликка эришди, актриса Пинар Дениз эса адвокат ролини ўйнади.

Актёрлар ўз интервьюсида сценарий яхши ёзилганидан мамнун эканини айтди ва жуда қизиқарли сюжетни ваъда қилишди.

“Сценарийнинг яхши ёзилгани менга ёқди. Чунки ҳикоя ҳақиқатан ҳам томошабин эътиборини тортади, унинг логикаси билан ўйнайди ва ҳар бир эпизод якуни ҳайратга солади”, — дейди актёр.

Жуфтлик ҳикоянинг бошида кўплаб интригаларни яратган эпизод сценарийси ҳақида алоҳида фикр билдирган. Бунинг ажабланарли жойи йўқ, чунки сериал Туркиянинг энг яхши киностудияларидан бири — Ай Япıм томонидан ишлаб чиқарилган, у аввалроқ “Тақиқланган севги” ва “Менга қандай севишимни айт” лойиҳасини суратга олган.

Жуфтлик қаҳрамонлари ҳақидаги саволларга ҳам жавоб берди. Каан ҳар куни ўз персонажи ҳақида ўйлашини айтди, у совуққон прокурордан ҳис-туйғулар ҳақида ҳам ўйлайдиган инсонга айланиш тарихи ва ривожланишини ҳурмат қилишини таъкидлади.

Пинар Дениз эса ўз қаҳрамони бошқа қаҳрамонлардан бошқачароқ ва самимийроқ эканини билдириб ўтди.

“Биринчидан, бу жуда мураккаб қаҳрамон. Уни гавдалантириш  жуда қизиқарли, бироқ тушуниш қийин. Чунки қаҳрамоним оқ ёки қора персонаж эмас, у бутунлай кулранг”, — дейди актриса.

Актрисанинг қаҳрамони бошқа барча инсонлар каби хато қилади, ҳис-туйғуларини очиқ кўрсатмайди, бироқ уларнинг ичида яшайди. Баъзида инсонлар уни ёмон кўради, баъзида севади, аммо у доим ҳақ бўлади.

Унинг персонажи жуда қизиқ. Жейлин ёш, муваффақиятга эришган ва жуда принципиал адвокат. У ўз мижозларини охиригача ҳимоя қилишга тайёр бўлади, бироқ прокурор Илгазни севиб қолганидан кейин унинг иши ўзгариб кетади. Сериал шу ҳақдаги воқеаларни ўз ичига олади.