Айни кунларда хонанда Озода Нурсаидова саккиз кунлик яккахон концерт дастурига тайёргарлик кўрмоқда. “Дарё” мухбирлари концертнинг тайёргарлик жараёнларида иштирок этиб, эксклюзив репортаж тайёрлашди. Хонанда бу йилги концертда нималарга алоҳида эътибор бергани, кўнгли тўлмайдиган жиҳатлар ҳақида сўзлаб берди.
“Ёмғирларда” деб номланган концерт дастурида қўшиқ тўлиқ жонли ижрода куйланади. Одамда машҳур хонандалар ўзларининг рейтингларига мос ҳамкасблари билан дуэт куйлашга ҳаракат қилишади. Қизиғи шундаки, Озода Нурсаидованинг бу йилги дуэтдошлари машҳурлар эмас.
— Концерт олди Instagram тармоғида челленж эълон қилди. Унда 500 дан ортиқ иқтидорли ёшлар иштирок этишди. Улар орасидан энг зўр учтасини танлаб олиб, концертда улар билан дуэт ижро этяпман. Тўғрисини айтадиган бўлсам, бу ижрочилар унча-мунча таниқли хонандалардан кўра қўшиқни яхши ижро этади. Таниқли хонанда билан дуэт куйлаганим ҳеч нарсани ўзгартирмайди. У менинг ёрдамимсиз ҳам танилиб бўлган. Ёш ижрочиларга эса бир оз туртки ва кўмак керак. Уларга йўл очиш ҳам савоб иш ҳисобланади, — дейди хонанда Озода Нурсаидова.
Хонанданинг блогер Liil Hurranov билан ижро этган дуэти кўплаб танқидларга сабаб бўлганди. У билан дуэт куйланишининг асосий сабаби нимада? Бу саволга хонанда қуйидагича жавоб берди.
— “Блогер билан қўшиқ куйлаш сизга ярашмабди. Уят эмасми?” деганлар кўп бўлди. Мен блогердан қўшиқчи ясаб олганим йўқ. Қўшиқнинг маъносига эътибор берилса, дуэтнинг куйланишининг асосий мақсади тушунилади. Яъни қўшиқда мен Озода Нурсаидова бўлиб блогерга қарата “Эй жипириқ, сен қаердан пайдо бўлиб қолдинг?” деб у билан тортишганман. Бу қўшиқ қайсидир маънода кичкина телефон камерасига ортиқча баҳо бераётган блогерларга мурожаат бўлган, — дейди Озода Нурсаидова.
Хонанда саҳна либосларига алоҳида эътибор бериши ва бу йил ҳам хорижлик машҳур дизайнерлар билан ҳамкорлик қилаётгани ҳақида айтиб ўтди.
.jpg)
— Саҳна эстетикаси деган нарса бор. Мен ҳам оддий, кундалик кийимларда саҳнага чиқсам бўлади. Аммо буни мухлисга нисбатан ҳурматсизлик деб биламан. Ҳар куни тўйдамиз, одамлар у ерда ҳам қўшиқларимизни эшитаверади. Аммо санъат саройидаги чиқиш бутунлай бошқача бўлиши керак. Мухлис томошабин билетга пул сарфлаб концертга келяптими, унга эстетик завқ беролиш керак.
Бу йилги либорсларимни москвалик, туркиялик ва ўзбекистонлик дизайнерлик билан ҳамкорликда яратяпмиз. Яна бири рус дизайнери яратса, иккинчисини туркиялик моҳир дизайнер тикди. Яширмайман, либослар учун катта маблағ сарфлайман. Аммо бирор марта бунга ачинмаганман, — дейди хонанда Озода Нурсаидова.
Озода Нурсаидованинг омма танимайдиган дуэтдошлари, дардли куйни чалиши, ҳазиломуз қўшиқлари ва “жонли” клиплари... Хуллас, бу йилги дастурнинг ўзига хосликлари кўп. YouTube каналидаги репортажни кўриб, бунга ўзингиз ҳам амин бўлишингиз мумкин.
Изоҳ (0)