Франциянинг Dior уйи Жонни Депп билан шартнома имзолади, бу эркаклар парфюмерияси саноатидаги энг йирик битимга айланди, деб хабар бермоқда “Правила жизни” нашри.
.jpg)
Шартнома уч йилга тузилган, унинг миқдори 20 миллион доллардан ошади. Маълумотларга кўра, Депп Dior Homme’нинг вакили бўлиб, 12 миллион доллар олган Роберт Паттинсонни, шунингдек, Бред Питт ва унинг Chanel No5 рекламаси бўйича 7 миллион долларлик шартномасини ортда қолдирган.
Маълум бўлишича, брендлар одатда йилига 2 миллион доллардан 4 миллион долларгача битим тузади. Америкалик актёр Крис Пайннинг Армани билан келишуви йилига 4 миллион долларга баҳоланмоқда.
Депп 2015 йилда Dior Sauvage атирининг юзига айланди, бироқ актёрнинг собиқ рафиқаси, актриса Эмбер Хёрд унга қарши оиладаги зўравонлик айбловини қўйганидан кейин ҳамкорлик тўхтатилди.
Актёр собиқ рафиқасига қарши судда ғалаба қозонганидан сўнг, меҳнат шартномаларини қайтара бошлади. Бундан ташқари, Депп Жефф Бек билан мусиқа альбомини чиқарди, актёр ҳам ўз суратларини сотди ва 10 миллион доллардан кўпроқ даромад олди.
16 май куни Канн кинофестивалида Депп бош ролни ижро этган “Жанна Дюбарри” фильмининг премьераси бўлиб ўтади. “Жанна Дюбарри”даги Луи XV образи актёр учун 2020 йилдан буён биринчи ижро этган роли бўлди.
Изоҳ (0)