Германия Украинага 2,7 миллиард долларлик ҳарбий техникаларни топширади. Бу ҳақда Der Spiegel ўз манбаларига таяниб, хабар берди.
Қайд этилишича, мазкур ҳарбий ёрдам пакети Берлин томонидан уруш бошланганидан бери Киевга тақдим этиладиган энг йирик кўмакдир. Унинг ичидан қуйидагилар ўрин олади:
- Леопард 1 танки — 30 та;
- Мардер пиёдалар жанговар машинаси — 20 та;
- Гепард ўзиюрар зенит қурилмаси — 15 та;
- Разведкачи дронлар — 200 та;
- IRIS-Т SLМ ҳаво ҳужумидан мудофаа тизимлари — 4 та;
- Ғилдиракли гаубицалар — 18 та;
- Зирҳли транспорт воситалари — 100 та.
Ҳарбий ёрдам пакети федерал канцлернинг вазирлик ва идоралари ўртасида ўтказилган яширин музокаралар пайтида келишилган. У Украина президенти Владимир Зеленскийга 14 май куни Ахенда Буюк Карл номидаги халқаро мукофотни топшириш муносабати билан ишлаб чиқилган.
Май бошида АҚШ Мудофаа вазирлиги Украинага 1,2 миллиард долларлик ҳарбий ёрдам пакети юборилишини эълон қилди. Апрелда АҚШ Украинага икки марта ҳарбий ёрдам пакетларини жўнатди — 2,6 миллиард ва 325 миллион долларлик. Улар ичидан, хусусан, Патриот ва NASAMS зенит-ракета мажмуалари, ҳаво ҳужумидан мудофаа қилишга мўлжалланган воситалар, HIMARS учун қўшимча ўқ-дорилар, артиллерия снарядлари ўрин олган.
Бир неча кун олдин Европа Иттифоқининг ташқи ишлар ва хавфсизлик сиёсати бўйича олий вакили с Мудофаа Украинага Европа Иттифоқи мамлакатлари ва ташкилотлари томонидан берилган умумий ёрдам 16 миллиард еврога етганини маълум қилганди.
Изоҳ (0)