Россия қўшинлари Украина ҳужум операцияларини амалга ошириш имкониятида эга эмас. Бу ҳақда Украина Мудофаа вазирлиги Разведка бош бошқармаси бошлиғи Кирилл Буданов маълум қилди.
“Айни вақтда Россиянинг Украина ҳудудига бирор янги жиддий ҳужумни амалга оширишга на ҳарбий, на иқтисодий, на сиёсий потенсиали бор. Шу билан бирга, у жиддий мудофаа ҳаракатларини амалга ошира олади ва бу биз дуч келадиган муаммодир”, — дейди у Yahoo News’га берган интервьюсида.
Будановнинг сўзларига кўра, ҳозирда Россия Украина Қуролли Кучлари томонидан режалаштирилаётган қарши ҳужумни бузиш мақсадида ракеталарни тўпламоқда. “Улар маълум миқдорда захираларини тўплаб, шай ҳолатда турмоқчи, аммо ҳақиқат шуки, уларнинг захиралари деярли тамом бўлган”, — дея таъкидлайди Украина ҳарбий разведкаси вакили.
Буданов, шунингдек, Россия “ахборот макони билан ишлай олишини” тан олган. “Шу боисдан ҳар қандай воқеа — хоҳ у Кремлга қулаётган ракета бўлсин — улар Россиянинг ғалабаси сифатида тақдим эта олади. Бу орқали улар ракетанинг Кремлга қулашига имкон яратиб, инсониятга қаратилган катта ҳалокатнинг олдини олганликларини, ракета бузилиши керак бўлган бинога урилгани ва биз уларга ёрдам берганимизни таъкидлашади. Ҳазилдек кўриниши мумкин, лекин Россия жамияти бу каби аҳмоқгарчиликка ишониб келмоқда”, — дейди у.
Интервью давомида ҳарбий разведга бошлиғи Россиянинг Даря Дугинани ўлдириш ортида Украина махсус кучлари тургани борасидаги айбловига ҳам жавоб қайтарган. “Бу мавзуни давом эттирманг. Мен изоҳ берадиган ягона нарса бу — биз дунёнинг исталган нуқтасидаги русларни ўлдирганмиз ва Украинанинг мутлақ ғалабасига қадар ўлдиришни давом этамиз”.
Россия ТИВ расмий вакили Мария Захарова ўзининг Telegram канали орқали Будановнинг айтганларига муносабат билдирди: “Бу Оқ уйга тўғридан тўғри зарба. Киев режими Байден терроризмни қўллаб-қувватлашини эълон қилди”.
Изоҳ (0)