Germaniya Ukrainaga 2,7 milliard dollarlik harbiy texnikalarni topshiradi. Bu haqda Der Spiegel o‘z manbalariga tayanib, xabar berdi.
Qayd etilishicha, mazkur harbiy yordam paketi Berlin tomonidan urush boshlanganidan beri Kiyevga taqdim etiladigan eng yirik ko‘makdir. Uning ichidan quyidagilar o‘rin oladi:
- Leopard 1 tanki — 30 ta;
- Marder piyodalar jangovar mashinasi — 20 ta;
- Gepard o‘ziyurar zenit qurilmasi — 15 ta;
- Razvedkachi dronlar — 200 ta;
- IRIS-T SLM havo hujumidan mudofaa tizimlari — 4 ta;
- G‘ildirakli gaubitsalar — 18 ta;
- Zirhli transport vositalari — 100 ta.
Harbiy yordam paketi federal kanslerning vazirlik va idoralari o‘rtasida o‘tkazilgan yashirin muzokaralar paytida kelishilgan. U Ukraina prezidenti Vladimir Zelenskiyga 14-may kuni Axenda Buyuk Karl nomidagi xalqaro mukofotni topshirish munosabati bilan ishlab chiqilgan.
May boshida AQSH Mudofaa vazirligi Ukrainaga 1,2 milliard dollarlik harbiy yordam paketi yuborilishini e’lon qildi. Aprelda AQSH Ukrainaga ikki marta harbiy yordam paketlarini jo‘natdi — 2,6 milliard va 325 million dollarlik. Ular ichidan, xususan, Patriot va NASAMS zenit-raketa majmualari, havo hujumidan mudofaa qilishga mo‘ljallangan vositalar, HIMARS uchun qo‘shimcha o‘q-dorilar, artilleriya snaryadlari o‘rin olgan.
Bir necha kun oldin Yevropa Ittifoqining tashqi ishlar va xavfsizlik siyosati bo‘yicha oliy vakili Josep Borrel Mudofaa Ukrainaga Yevropa Ittifoqi mamlakatlari va tashkilotlari tomonidan berilgan umumiy yordam 16 milliard yevroga yetganini ma’lum qilgandi.
Izoh (0)