Наманган вилояти ИИБ Жиноят-қидирув хизмати томонидан 1 килограммдан ортиқ гиёҳвандлик моддасини сотишга уринган шахс қўлга олинди. Бу ҳақда “Дарё” мухбири Азизбек Абдувалиев хабар бермоқда.
Мазкур хизмат уюшган жиноятчиликка қарши курашиш бўлими вакиллари томонидан жорий йил 10 май куни тезкор тадбир ўтказилди. Тадбир давомида 1994 йилда туғилган шахс ўзида бўлган гиёҳвандлик воситасини 12500 АҚШ долларига баҳолаб, Наманган шаҳар, “Ахсикент” маҳалласи ҳудудида Lacetti автомашинасида шартли харидорга сотишга уринган пайт ашёвий далиллар билан ушланган.
.jpg?_t=1683897925)
Фото: Наманган вилоят ИИБ Жиноят-қидирув хизмати
Наманган вилоят ИИБ Экспертиза-криминалистика маркази хулосасига кўра, гумонланувчидан олинган гиёҳвандлик воситаси гашиш бўлиб, унинг соф оғирлиги 1 килодан ортиқни ташкил этган.
Фото: Наманган вилоят ИИБ Жиноят-қидирув хизмати
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Фото: Наманган вилоят ИИБ Жиноят-қидирув хизмати
Изоҳ (0)