“Адолат” партияси ўзбек ҳуқуқшуноси, судья ва сенатор Робахон Маҳмудовани 2023 йилги президентлик сайловига номзод сифатида кўрсатган эди. Олий суд унинг судьялик ваколати тугатилганини маълум қилди.
Қонунчиликка кўра, судья сиёсий фаолият билан шуғулланишга ҳақли эмас. Сайлов кодексига асосан сиёсий партия Ўзбекистон президентлигига ўз партияси аъзолари орасидан ёки партиясизни номзод этиб кўрсатишга ваколатлидир.
Шу муносабат билан 12 май куни Судьялар олий малака ҳайъати Робахон Маҳмудованинг аризаси ва суд қонунчилигига мувофиқ Олий суд раисининг биринчи ўринбосари — маъмурий судлов ҳайъатининг раиси Робахон Маҳмудованинг судьялик ваколатларини тўхтатиб туриш ҳақида қарор қабул қилди.
Робахон Анваровна — ўзбек ҳуқуқшуноси, судья ва сенатор. 2020 йилда у Олий Мажлис Сенатининг аъзоси этиб сайланган. 2020 йил 13 июлдан бошлаб у Олий суд раисининг биринчи ўринбосари лавозимини эгаллаб келмоқда.
У, шунингдек, Фарғона вилояти Жиноят ишлари бўйича суд раиси, 2008 йил 29 августгача эса Ўзбекистон Республикаси Олий судининг судьяси лавозимида ишлаган. 2017 йилдан 2020 йилгача Ўзбекистон президентининг Фарғона вилоятидаги Халқ қабулхоналари раҳбари сифатида ишлаган.
Изоҳ (0)