Америкалик тадбиркор Илон Маск Twitter ижтимоий тармоғи бош директорлиги лавозими тарк этади. Бу ҳақда унинг ўзи микроблогига ёзиб қолдирди.
Маскнинг сўзларига кўра, у янги бош директор топиб бўлган. Бизнемен ўз ўрнини эгаллайдиган инсон кимлигини ошкор этмаган, бироқ у аёл кишилигини маълум қилди. Янги бош директор тахминан олти ҳафтадан кейин ишга киришади.
Маскнинг ўзи компания директорлар кенгаши раиси ва техник директор лавозимини эгаллайди. У нима сабабдан бош директорликдан кетаётганига изоҳ бермаган.
2022 йил октябрда Маск Twitter’ни 44 миллиард долларга сотиб олиш бўйича олди-сотди битими расман якунланганини маълум қилганди. Шундан кейин бизнесмен аввалги раҳбариятни — компания бош ва молиявий директорлари Параг Арагвал ва Нед Сигални, шунингдек, ҳуқуқшунос Вижаю Гаддени ишдан бўшатган.
27-октябрь куни Маск Twitter саҳифасидаги мақомини Chief Twitter’га ўзгартирди ва ўзининг раковинаси билан Twitter офисига кўчиб ўтгани ҳақидаги видеони эълон қилди.
Ўша куни бизнесмен Twitter’ни нима сабабдан сотиб олганига изоҳ берди ва буни одамлар келажакда турли фикрларни муҳокама қилиш учун рақамли майдонга эга бўлиши учун амалга оширганини айтди. “Мен буни ўзим севган инсониятга ёрдам бериш учун қилдим”, — деб ёзган Маск. Унинг қўшимча қилишича, “барча саъй-ҳаракатларимизга қарамай, мақсадга эриша олмаслик бу — реал эҳтимолдир”.
Изоҳ (0)