Жиззах вилояти Бахмал туманида бедарак йўқолган бола каналдан ўлик ҳолда топилганди. Бош прокуратура унинг ўлими сабабини аниқлаш мақсадида суд-тиббий экспертизаси тайинланганини маълум қилди.
Аниқланишича, Бахмал тумани “Истиқлол” маҳалласида яшовчи фуқаро Ж.Х. 5 ёшли фарзанди А.А. 2023 йил 3 май куни ўйнаб уйидан чиқиб кетиб, қайтиб келмасдан бедарак йўқолгани ҳақида мурожаат қилган.
5 май куни боланинг мурдаси Туятортар каналидан топилган. Марҳумнинг ўлим сабабини аниқлаш мақсадида суд-тиббий экспертизаси тайинланган.
Ҳозирда Бахмал тумани прокуратураси томонидан терговга қадар текширув давом этмоқда.
Изоҳ (0)