“ПСЖ” ҳужумчиси Неймар жамоани тарк этиши мумкин.
RMC Sport нашрининг хабарига кўра, Неймарнинг агенти унга янги жамоа излашни бошлаган.
Бразилияликнинг асосий муаммоси молиявий талабларнинг қондирилмаётганидир. Аввалроқ Неймарга “Челси” ҳамда “Ньюкасл” жамоаларидан қизиқиш бўлгани хабар қилинганди.
Неймарнинг кетишни истаётганига асосий сабаб қилиб, Лионель Месси ва “ПСЖ” орасидаги муносабатлар ҳам кўрсатилмоқда. Ундан ташқари 30 ёшли футболчи уйи олдида мухлисларнинг қаршилик намойишларини ўтказганидан ҳайратда қолган.
Эслатиб ўтамиз, Неймар жароҳат туфайли “ПСЖ” сафида февраль ойидан буён майдонга тушмаяпти.
Қайд этиб ўтиш жоиз, “ПСЖ”нинг яна бир ҳужумчиси Килиан Мбаппега “Реал” жиддий қизиқмоқда. Мадриликлар французни ўз сафига қўшиб олиш учун яна бир бор уриниб кўриши маълум қилинганди.
Изоҳ (0)