Андижоннинг Марҳамат туманида ҳоким топшириғига кўра ишдан ташқари вақтда чақирилган ободонлаштириш ходими ЙТHgа учраб, вафот этгани хабар қилинганди. Меҳнат инспекцияси ҳолат юзасидан муносабат билдирди.
Текшириш жараёнида ишчилар Меҳнат кодекси талабларига зид равишда, яъни иш вақтидан ташқари ишларда, тунги ишларда, шунингдек, дам олиш кунларида маъмурий тарзда мажбуран ишлатиб келинаётгани аниқланди.
Ҳолат бўйича туман ободонлаштириш бўлими бошлиғига нисбатан Маъмурий жавобгарлик тўғрисидаги кодекснинг 51-моддаси 1-қисмига асосан маъмурий баённома расмийлаштирилиб, жарима қўлланган. Ушбу бахтсиз ҳодиса ишлаб чиқариш билан боғлиқ деб топилган ва бу бўйича далолатнома расмийлаштирилган.
Содир бўлган автоҳалокат оқибатида вафот этган ходимнинг оила аъзоларига етказилган зарар суммаси — марҳуманинг ўртача олти йиллик иш ҳақи, яъни 122 милион 633 минг сўм миқдоридаги бирйўла тўланадиган нафақа Меҳнат кодексининг 328-моддаси талабларига мувофиқ тўланиши белгиланган.
Юз берган бахтсиз ҳодиса оқибатида ходимларнинг оила аъзолари, фарзандларига боқувчисининг вафоти туфайли бирйўла нафақа ва ойма-ой тўланиши лозим бўлган зарар тўловлари ободонлаштириш бўлими томонидан амалга оширилади ва бунинг ижроси инспекция томонидан назоратга олинади. Maxсус текширув якуни бўйича ҳужжатлар расмийлаштирилиб, белгиланган тартибда ички ишлар органига юборилиши таъминланади.
Изоҳ (1)
Тушунарсиз замон