Тошкент шаҳрида 9 май куни бир гуруҳ шахслар “Биродарлар қабристони”да Ўзбекистон ССР байроғи остида юриш қилди. Бу ҳақда Telegramъдаги “Эффект Макаренко” каналида хабар қилинди.
“Кеча Брацкидаги (Тошкентдаги ‘Биродарлар қабристони’) карнавалда жиддийлик билан ‘ўртоқ Сталинга ура!’ деб қичқирган ҳолда Ўзбекистон ССР байроғи остида юриш қилишди. Қодирий, Фитрат ва бошқа минглаб юртдошларимизнинг қотили учун урами?
Мен миллий хавфсизлик учун масъул бўлганларга эслатиб ўтмоқчиманки, Украинадаги уруш меъморларидан бири, рус миллатчиси Игор Гиркин (Стрелков) ва унинг бутун кампанияси дастлаб шундай реконструкторлар бўлган ва аввалига тарихий либослар ва ўйинчоқ қуроллар билан шаҳар кўчаларида юриш қилган. Кейин эса улар қўлларига ҳақиқий қуролларни олишди.
Халқ таълими вазири Ҳилола Умарова эса мактаб директорларини қаттиқроқ назорат қилиб, айрим ўқувчиларнинг (!) Совет ҳарбий кийимларини кийиб юришига, мактабларни рус қотиллари ва фашистлари тимсоли – Георгий ленталари билан безашига тўсқинлик қилиши керак эди.
Фақат бир нарса қувонтиради — Сталиннинг ашаддий мухлислари у қадар кўп тўплангани йўқ”, — дейилади постда.
Мазкур ҳолат юзасидан “Дарё” мухбири Тошкент шаҳар ҳокимлиги ахборот хизмати билан боғланди.
“Оммавий тадбирлар ўтказишга рухсат бериш шаҳар ҳокимлигида эмас. Юқоридаги ҳолат бўйича Тошкент шаҳар ҳокимлигига рухсат беришни сўраб ариза келиб тушмаган”, — деди пойтахт ҳокимлиги ахборот хизмати раҳбари.
Ички ишлар вазирлиги ахборот хизмати раҳбари Шоҳрух Ғиёсовнинг айтишича, бундай тадбирларни ўтказиш учун ҳокимиятга мурожаат қилишади, Миллий гвардия ва ички ишлар органлари натижаси бўйича жамоат хавфсизлигини таъминлашга жалб этилади.
Мазкур юришдан Тошкент шаҳар ИИББ қанчалик хабардорлигини аниқлаш мақсадида бош бошқарма ахборот хизмати билан боғланганимизда, ҳолатни ўрганиб жавоб беришини айтди.
Вазирлар Маҳкамасининг “Оммавий тадбирларни ташкил этиш ва ўтказиш тартибини янада такомиллаштириш чора-тадбирлари тўғрисида”ги қарорига мувофиқ, оммавий тадбирни ўтказиш учун рухсатномалар Вазирлар Маҳкамаси қарори билан белгиланган тартибда махсус электрон ахборот тизими орқали берилиши қайд этилган.
“Дарё” мухбири “Биродарлар қабристони”да ўтказилган оммавий тадбир учун рухсатнома олингани ёки олинмагани юзасидан Вазирлар Маҳкамасининг ахборот хизмати билан боғланиб, изоҳ сўради. Маҳкама вакили ҳолатни ўрганиб, қўшимча маълумот беришини айтди.
Маълумот учун, Маъмурий жавобгарлик тўғрисидаги кодекснинг 201-моддаси “Йиғилишлар, митинглар, кўча юришлари ёки намойишлар уюштириш, ўтказиш тартибини бузиш”, 202-моддаси эса “Рухсат этилмаган йиғилишлар, митинглар, кўча юришлари ва намойишлар ўтказиш учун шароитлар яратиш” ҳақида.
Маъмурий жавобгарлик тўғрисидаги кодекснинг 201-моддаси “Йиғилишлар, митинглар, кўча юришлари ёки намойишлар уюштириш, ўтказиш тартибини бузиш”, 202-моддаси эса “Рухсат этилмаган йиғилишлар, митинглар, кўча юришлари ва намойишлар ўтказиш учун шароитлар яратиш” ҳақида. Жиноят кодексининг 217-моддасида эса шу турдаги ҳуқуқбузарлик учун жиноий жавобгарлик белгиланган.зарлик учун жиноий жавобгарлик белгиланган.
Изоҳ (0)