Қашқадарё вилояти Яккабоғ туманида яшовчи аёлнинг расмларини тарқатиб юбормаслик учун пул талаб қилган йигит ушланди. Бу ҳақда Киберхавфсизлик маркази хабар берди.
Маълум қилинишича, 20 ёшли Ш.А. ариза билан мурожаат қилиб, номаълум шахс томонидан қўнғироқ орқали таҳдид қилиниб, шахсий маълумотларини тарқатмаслик эвазига пул талаб қилинаётганини маълум қилган.
Ўтказилган тезкор-қидирув тадбирлари натижасида, товламачилик йўли билан Ш.А.нинг пулларини ўзлаштирмоқчи бўлган қонунбузар Қашқадарё вилояти Яккабоғ туманида яшовчи 22 ёшли Б.Ҳ. экани аниқланган.
Унга кўра йигит аёлга қўнғироқ қилиб, унинг бошқаларга кўрсатиб бўлмайдиган, уятли фото ва видеотасвирлари мавжуд эканини ва уларни ижтимоий тармоқларда тарқатиб юбормаслик учун 10 миллион сўм талаб қилган ва Б.Ҳ. келишилган пулларни олаётган вақтида жиноят устида қўлга олинган. Ҳолат юзасидан Жиноят кодексининг 165-моддаси 1-қисми билан иш очилган.
Изоҳ (0)