Тошкент шаҳри Янгиҳаёт туманидаги ресторанда 9 май куни ёнғин содир бўлди. Бу ҳақда Фавқулодда вазиятлар вазирлиги ахборот хизмати хабар берди.
Маълум қилинишича, соат 22:04 да Sputnik-7 даҳасида жойлашган ҳозирги кунда иш фаолиятида бўлмаган ресторанларнинг бирида ёнғин содир бўлаётгани тўғрисида хабар тушган.
Шунга кўра 5 та ёнғин-қутқарув экипажи соат соат 22:06 да воқеа жойига етиб бориб, ёнғин соат 22:23 қуршаб олинган ва соат 22:33 да бартараф этилган.
Ёнғин натижасида рестораннинг 100 квадрат/метр майдонда том қисми ёниб зарарланган. Ҳозирда ёнғин сабаби ва моддий зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар йўқ.
Изоҳ (0)