Эрон Сурия қуролли кучларини мудофаа учун энг замонавий қуроллар билан таъминлашга тайёр. Бу ҳақда Эрон мудофаа вазири, бригада генерали Муҳаммад Ризо Аштианий суриялик ҳамкасби генерал майор Али Маҳмуд Аббос билан учрашувда айтди.
“Ҳозир Сурияни турли соҳаларда қайта тиклаш даври келди ва Эрон Мудофаа вазирлиги Сурия қуролли кучларини ишлаб чиқариш ва энг замонавий мудофаа қуроллари билан жиҳозлашга тайёр”, — деди Аштианий.
Эрон вазири Теҳрон Сурия билан халқнинг хавфсизлик даражасини ошириш мақсадида мудофаа ва кўп мақсадли инфратузилмани яратиш учун заводлар қуриш ва стратегик мудофаа маҳсулотлари ишлаб чиқариш линияларини ишга тушириш соҳасида ҳамкорлик қилишга тайёрлигини билдирди.
Эрон президентининг Дамашққа ташрифи
Эслатиб ўтамиз, 3 май куни Эрон президенти Сурияга ташриф буюрганди. Эрон раҳбари Сурия президенти Башар ал-Асад билан батафсил музокаралар ўтказган. Бу Раисийнинг сўнгги 13 йил ичида Сурияга илк ташрифи ҳисобланади.
Томонлар ўртасидаги музокаралар савдо-иқтисодий ҳамкорлик масалаларига қаратилган. Эронлик сиёсатчининг ташрифи чоғида йирик ҳужжатлар тўплами имзоланган.
Сурия Араб давлатлари лигасига қайтди
Араб давлатлари лигаси Сурияни 12 йилдан сўнг ўз сафига қайтарди. Дамашқ аъзолиги 2011 йилда фуқаролар урушига олиб келган демократия тарафдорлари намойишлари зўравонлик билан бостирилиши туфайли тўхтатилган эди.
“Биз Суриядаги инқирозни ҳал қилишнинг ягона йўли ҳеч қандай ташқи аралашувсиз бутунлай Сурия ичидан келадиган сиёсий ечим эканига тўлиқ аминмиз”, — деган Миср ташқи ишлар вазири Самех Шукри.
Дамашққ билан алоқалар нормаллаштирилмоқда, чунки блок Сурия инқирозини ҳал қилиш учун “араблар бошчилигидаги сиёсий йўл”га умид қилмоқда
Изоҳ (0)