Google апрель ойи охирида Украинанинг Россия босқини оқибатида вайрон бўлган ҳудудларининг янги сунъий йўлдош суратларини намойиш қилди. Бу ҳақда Politico хабар берди.
Янги суратлар 2022 йил март ойида олинган. Бироқ, вайронагарчилик уларда яққол акс этган. Хусусан, Киев яқинидаги жангларнинг оқибатлари, Гостомелдаги аэропорт, Ирпендаги кўприк ва Козаровичи қишлоғидаги тўғон вайрон қилинганини кўриш мумкин.
Гостомелдаги аэропорт
2022 йил 24 февралда, кенг кўламли босқин бошланганидан бир неча соат ўтгач, рус қўшинлари Гостомелни эгаллаш мақсадида ҳаво ҳужумини бошлади. Бир неча кун давом этган жангларда Мрия самолёти йўқ қилинди.
Мариупол шаҳридаги театр
Россия босқинининг энг фожиали воқеаларидан бири Мариупол шаҳридаги драма театрининг ўққа тутилишидир. 2022 йил 16 мартда босқинчилар бинога авиабомба ташлади — Мариуполнинг мингга яқин тинч аҳолиси театрда яширинган бўлган.
Тўғонни бузиш ва Демидов қишлоғини сув босиши
Россия технологиясининг ҳужумини Демидов қишлоғидаги кўприкни ҳамда Козаровичи ва Лютеж қишлоқлари орасидаги Киев сув омборининг ҳимоя тўғонини портлатиш орқали тўхтатишга тўғри келган.
Ирпен дарёси бўйлаб кўприкни бузиш
Руслар босқини натижасида Ирпен ва Буча шаҳарлари вайрон қилинган. Ўтган йилнинг 25 февралида украиналик ҳарбийлар Киевни руслар қўлга киритмаслик учун Ирпен ва Киевни боғловчи ягона кўприкни портлатиб юборишга мажбур бўлган эди.
Бахмут
Россия ҳужумларининг шиддатлилигига қарамай, Украина ҳарбийлари тўққиз ойдан бери Бахмутни мудофаасини ушлаб туришди. Шаҳар атрофидаги далалар доимий ўққа тутилиши оқибатида вайрон бўлган.
Мошчун қишлоғи
Киев вилоятининг шимолида жойлашган ушбу қишлоқда украиналик ҳарбийлар 2022 йил март ойида Россиянинг элита қўшинларини йўқ қилишга муваффақ бўлди. Бироқ, 5 март куни рус артиллерия бўлинмалари Мошчунни интенсив ўққа тута бошлади.
Изоҳ (0)