Россия президенти Владимир Путин Москвадаги ғалаба парадидан ўзининг Марказий Осиёдаги сақланиб қолган таъсирини намойиш этиш учун фойдаланмоқда. Бу ҳақда Америка урушни ўрганиш институтининг (ISW) янги ҳисоботида хабар берилди.
Ҳисоботда 9 майда Москвадаги Ғалаба парадида Марказий Осиё давлатлари раҳбарлари иштирок этиши ҳақидаги хабарга эътибор қаратилган. Кремлга алоқадор нашр Қирғизистон президенти Садир Жапаровнинг 23 апрель куни Ғалаба кунида Москвага ташрифи ҳақида хабар берган бўлса, Россия оммавий ахборот воситалари Москвадаги параддан бир кун олдин Қозоғистон, Ўзбекистон ва Тожикистон президентларининг ташрифини маълум қилган.
Тожикистон раҳбари Эмомали Раҳмоннинг матбуот хизмати дастлаб сиёсатчи Душанбеда байрам ўтказишини маълум қилган, бироқ кейинроқ Раҳмон Москвага кетганини хабар берган. Путин Туркманистон президенти Сердар Бердимуҳамедовни ҳам таклиф қилганди, бироқ Бердимуҳамедов парадда иштирок этишини тасдиқламаганди. Кейинчалик у парадда қатнашиши маълум бўлган.
“2022 йилда Москвадаги парадда чет эл давлатлари раҳбарларидан бирортаси ҳам қатнашмаган, Қозоғистон, Қирғизистон ва Ўзбекистон эса 2022 йилда ҳарбий парад ўтказмаган, баъзилари коронавирус пандемияси туфайли шундай қарорга келган. Марказий Осиё етакчиларининг иштироки ҳақидаги хабар кечикиб эълон қилиниши, уларнинг урушни тўғридан-тўғри ва жамоатчилик томонидан қўллаб-қувватлашни истамаслигидан далолат беради”, — дейилган ҳисоботда.
Изоҳ (0)