Тошкент мезбонлигида ўтаётган бокс бўйича 2023 йилги Жаҳон чемпионатининг 9-кунги баҳслари 9 май, сешанба куни бўлиб ўтмоқда.
-71 кг вазнда Саиджамшид Жаъфаров пуэрто-риколик Габриэль Лланосга қарши жанг қилиши керак эди. Бироқ Саиджамшиднинг рақиби номаълум сабабларга кўра рингга чиқмагани туфайли ўзбекистонлик боксчи автоматик равишда кейинги босқичга чиқди.
9 май кунги жангларнинг кундузги дастурида Ҳасанбой Дўстматов кубалик рақибини енгиб, кейинги босқичга йўл олди. Ойбек Жўраев (-54 кг), Асадхўжа Мўйдинхўжаев (-67 кг) ва Аълохон Абдуллаевнинг (-75 кг) жанглари эса кечки дастурдан ўрин олган.
Изоҳ (0)