Саудия футболи Лионель Мессини мамлакатга олиб келиш учун қўлидан келган барча нарсани қилмоқда.
OneFootball нашрининг хабарига кўра, Саудия Арабистони Месси билан бирга унинг жамоадошларини ҳам таклиф қилмоқчи. Леодан ташқари Леандро Паредес, Анхел ди Мария ва Серхио Рамосларга ҳам шартнома таклиф қилинади.
Саудияликларнинг мақсади бу футболчиларнинг барчаси бир жамоада ўйнаши эмас, балки Ар-Риёдда жойлашган жамоаларда (“Ан-Насср”, “Ал-Ҳилол”, “Аш-Шабоб”) ўйнашидир.
Лионелнинг ўзига умумий суммаси 500-600 миллион евро бўлган шартнома таклиф қилинган. Шартнома 2+1 схемаси бўйича тузилиши режалаштирилган. Ҳозирча футболчи таклифни қабул қилмаган, чунки у “Барселона”дан ҳаракатни кутмоқда.
Қайд этилишича, аргентиналикнинг рафиқаси Саудия Арабистонига кўчиб ўтишни истамаяпти.
Изоҳ (0)