Toshkent mezbonligida o‘tayotgan boks bo‘yicha 2023-yilgi Jahon chempionatining 9-kungi bahslari 9-may, seshanba kuni bo‘lib o‘tmoqda.
-71 kg vaznda Saidjamshid Ja’farov puerto-rikolik Gabriel Llanosga qarshi jang qilishi kerak edi. Biroq Saidjamshidning raqibi noma’lum sabablarga ko‘ra ringga chiqmagani tufayli o‘zbekistonlik bokschi avtomatik ravishda keyingi bosqichga chiqdi.
9-may kungi janglarning kunduzgi dasturida Hasanboy Do‘stmatov kubalik raqibini yengib, keyingi bosqichga yo‘l oldi. Oybek Jo‘rayev (-54 kg), Asadxo‘ja Mo‘ydinxo‘jayev (-67 kg) va A’loxon Abdullayevning (-75 kg) janglari esa kechki dasturdan o‘rin olgan.
Izoh (0)