“Ювентус”дан яна очко олиб қўйилиши мумкин. Бу сафар 15 эмас, 9 очко 

Туриннинг “Ювентус” жамоасидан молиявий айёрликлар туфайли 9 очко олиб қўйилиши мумкин.

Январь ойида Италия футбол федерацияси Апелляция суди “Ювентус”дан 15 очко олиб қўйганди, бироқ шикоятдан сўнг апрель ойида очколар қайтарилганди.

Туринликларнинг апелляциясини қондирган Италия Миллий олимпия қўмитасисининг кафолат кенгаши сабабларни тушунтирувчи ҳужжатларни эълон қилди, шундан келиб чиқадики, федерация янги далиллар (хусусан, тинглов материаллари) натижасида ишни қайта очишга ҳақли. Шунингдек, асл айблов асослилиги ва эътироз билдирилмаганлигини таъкидланмоқда.

Тахминларга кўра, “Ювентус” барибир жазоланади, бироқ прокурор талаб қилганидек, 15 эмас, балки 9 очко олиб ташланади.

Клуб яна шикоят билан чиқмоқчи. Агар жазо қабул қилинса, суд жараёни чўзилиши ҳисобига у жорий мавсум эмас, кейинги мавсумдан кучга кириши мумкин. Шу тариқа “Ювентус”га 2023/24 йилги мавсумда 9 очкосиз қолиш хавф солмоқда.